Hot News
Home » செய்திகள் » அரசின் மனித உரிமை மீறல் தொடர்பில் ஐ.நா மனித உரிமை ஆணையாளரிடம் முறையிடப்படும்: மங்கள சமரவீர

அரசின் மனித உரிமை மீறல் தொடர்பில் ஐ.நா மனித உரிமை ஆணையாளரிடம் முறையிடப்படும்: மங்கள சமரவீர

இலங்கைக்கு நாளை விஜயம் மேற்கொள்ளும் ஐக்கிய நாடுகள் மனித உரிமை ஆணையாளர் நவநீதம்பிள்ளையிடம் வெலிவேரிய ரத்துபஸ்வல சம்பவம் தொடர்பில் கட்டாயம் தகவல்களை முன்வைக்க போவதாக ஐக்கிய தேசியக்கட்சியின் நாடாளுமன்ற உறுப்பினர் மங்கள சமரவீர தெரிவித்தார்.

இலங்கையின் தற்போதைய அரசாங்கம் மக்களின் மனித உரிமைகளை மீறுவது தொடர்பாக நவநீதம்பிள்ளையிடம் முறைப்பாடு தெரிவிக்கப்படும்.

ரத்துபஸ்வல சம்பவம் இதற்கு சிறந்த உதாரணம் என்பதால், அது பற்றிய தகவல்கள் அவரிடம் முன்வைக்கப்படும்.

ஏற்கனவே இந்த சம்பவம் தொடர்பில் ஐக்கிய தேசியக்கட்சி ஜெனிவா மனித உரிமை ஆணைக்குழுவில் முறைப்பாட்டை செய்துள்ளது என்றார்.

அதேவேளை இலங்கை வரும் நவநீதம்பிள்ளையுடனான சந்திப்பில் கலந்து கொள்ளும் ஐக்கிய தேசியக்கட்சியின் பிரதிநிதிகள் மற்றும் அவருடன் பேச வேண்டிய விடயங்கள் தொடர்பில் கட்சியின் ரணில் விக்ரமசிங்க தலைமையில் அண்மையில் சிறிகொத்தவில் கலந்துரையாடப்பட்டுள்ளது.

கரு ஜயசூரிய, மங்கள சமரவீர, ஸ்ரீநாத் பெரேரா உட்பட சிலர் இந்த கலந்துரையாடலில் பங்குபற்றியுள்ளனர்.

இலங்கை செல்லும் ஐக்கிய நாடுகள் ஆணையாளர் நவநீதம்பிள்ளையை ஐக்கிய தேசியக்கட்சி உட்பட பல அரசியல் கட்சிகள் சந்திக்க தயாராகி வருகின்றன.
– See more at: http://www.tamilwin.net/show-RUmryIRYMVgs4.html#sthash.WSS789SY.dpuf

Author: TELO Media Team 1