Hot News
Home » செய்திகள் » இலங்கை விஜயத்தின் பொழுது தொடர்ச்சியாக பின்தொடரப்பட்டேன்! ராதிகா சிற்சபேசன்

இலங்கை விஜயத்தின் பொழுது தொடர்ச்சியாக பின்தொடரப்பட்டேன்! ராதிகா சிற்சபேசன்

இலங்கையில் பிறந்த கனேடிய எதிர்க்கட்சி பாராளுமன்ற உறுப்பினர் ராதிகா சிற்சபேசனின் (வயது 32) இலங்கை விஜயத்தின் பொழுது மோட்டார் சைக்கிள்களில் வந்த நபர்களினால் தொடர்ச்சியாக பின்தொடரப்பட்டதாக கனேடிய ஸ்டார் பத்திரிகைக்கு பாராளுமன்ற உறுப்பினர் தெரிவித்துள்ளார்.

முதலாவது மோட்டார் வண்டி ஓட்டுநரை தினசரி கூலி அடிப்படையில் பாராளுமன்ற உறுப்பினரின் செயற்பாடுகளை கண்காணிக்கும் பொருட்டு நியமிக்கப்பட்டிருந்தார்.

பாராளுமன்ற உறுப்பினரின் நடவடிக்கைகளை கண்காணிக்கும் பொருட்டு பல நபர்கள் நியமிக்கப்பட்டிருப்பதாக அந்நபர் ராதிகாவிடம் தெரிவித்துள்ளார்.

நான் தங்கியிருந்த விடுதியின் வெளிப்புறத்தே தொடர்ச்சியாக பலர் கண்காணிப்பு நடவடிக்கைகளில் ஈடுபட்டிருந்தனர் அத்துடன் என்னுடைய செயற்பாடுகள் பற்றி தொடர்ச்சியாக தகவல்களை பரிமாற்றிக் கொண்டிருந்தனர் என கூறினார்.

மார்கழி மாதம் 28ம் நாள் ராதிகா சிற்சபேசன் இலங்கைக்கு விஜயம் மேற்கொண்டிருந்தார். 27 ஆண்டுகளுக்கு முன்னர் ராதிகாவின் குடும்பம் இலங்கையை விட்டு கனடாவிற்கு புலம்பெயர்ந்தனர்.

என்டிபி கட்சியின் ஸ்காப்ரோ ரொப் ரிவர் பகுதியின் பாராளுமன்ற உறுப்பினரான ராதிகா சிற்சபேசன் தமிழ் மக்கள் தொடர்பில் தொடர்ச்சியாக இலங்கை அரசாங்கத்தினை விமர்சித்து வந்தவர் என்பது குறிப்பிடத்தக்கது.

நான் தனிப்பட்ட விஜயமொன்றினையே இலங்கையிற்கு மேற்கொண்டேன. இதுவோர் அரசியல் பயணமன்று. நான் என் குடும்பத்தினரை காண்பதற்காகவும் சிறு பராயத்தில் நான் வாழ்ந்த ஒரு சில இடங்களை பார்க்கும் பொருட்டே இலங்கை சென்றேன்.

மோட்டார் சைக்கிள்களில் பின்தொடர்ந்தவர்களின் செயற்பாடுகள் சந்தேகத்திற்குரியதாகவே காணப்பட்டது.

புத்தாண்டு காலப்பகுதியில் அநாதைகளுக்கு உதவி செய்யும் பொருட்டு அநாதை இல்லங்களுக்கு விஜயம் செய்தேன்.

அச்சமயம் எனக்கோர் தொலைப்பேசி அழைப்பொன்று வந்தது அவ்வழைப்பை மேற்கொண்டவர் என்னை கைதுசெய்யும் பொருட்டு ஒரு சிலர் அவ்வில்லத்தின் பிரதான வாயிலில் காத்திருப்பதாக தகவல் வழங்கப்பட்டது. என்னை கைது செய்ய வேண்டிய தேவையெதுவும் அவர்களுக்கு இல்லை. ஆகையால் அவ்விடத்தில் வைத்து நான் கைதுசெய்யப்படவில்லை.

நான் என் தாத்தா பாட்டியின் பழைய வீட்டிற்கு விஜயம் செய்தேன். நாங்கள் முன்பு அவ்வீட்டில் தான் வசித்தோம். நான் என் விடுதிக்கு சென்றேன் பின்னர் என் இருப்பிடத்தை மாற்றினேன்.

மேலும் உடனடியாக நான் கனேடிய உயர் ஸ்தானிகராலயத்தையும் என்டிபி கட்சி தலைவர் தோமஸ் முக்லரே மற்றும் கட்சி வெளிநாட்டு அலுவலர் போல் டிவர் அவர்களையும் தொடர்புகொண்டேன்.

Author: TELO Media Team 1