Hot News
Home » செய்திகள் » இலங்கை தமிழ் மக்களை இந்தியா கைவிடமாட்டாது: சுஷ்மா சுவராஜ்!

இலங்கை தமிழ் மக்களை இந்தியா கைவிடமாட்டாது: சுஷ்மா சுவராஜ்!

இலங்கைத் தமிழ் மக்களை இந்தியா கைவிட மாட்டாது. இந்தியாவில் ஆட்சிகள் மாறலாம். ஆனால் நாம் ஒரே அணியாக நின்று இலங்கைப் பிரச்சினைக்கு தீர்வு காண முயல்வோம்” என்று இந்திய எதிர்க்கட்சித் தலைவி சுஷ்மா சுவராஜ் தெரிவித்துள்ளார்.புதுடில்லி சென்றுள்ள தமிழ்த் தேசியக் கூட்டமைப்பின் பாராளுமன்ற உறுப்பினர்கள் குழு நேற்று மாலை இந்தியத் எதிர்க்கட்சித் தலைவி சுஷ்மா சுவராஜை சந்தித்து பேச்சுவார்த்தை நடத்தியது. இந்தப் பேச்சு வார்த்தையின் போதே அவர் இவ்வாறு கூறியுள்ளார்.இந்தச் சந்திப்பின்போது இலங்கையின் தற்போதைய நிலை தொடர்பில் தமிழ்த் தேசியக் கூட்டமைப்பின் எம்.பி. க்கள் சுஷ்மா சுவராஜுக்கு எடுத்துக் கூறியுள்ளனர். இதனையடுத்து கருத்து தெரிவித்த அவர்,இலங்கையின் இனப்பிரச்சினை தீர்வுக்கு முழு இந்தியாவும் ஒருமித்த குரலில் ஆதரவு தெரிவிக்கும். ஆட்சிகள் மாறலாம். ஆனால், இந்தியா ஒரே அணியாக நின்று தமிழர்களுக்கு தீர்வு கிடைக்க உதவும். தமிழர்களை நாம் ஒருபோதும் கைவிடமாட்டோம். “ஜனாதிபதி மஹிந்த ராஜபக்ஷவை நான் சந்தித்தபோது இனப்பிரச்சினைக்கு தீர்வு காண்பதற்கு நல்லதொரு சந்தர்ப்பம் தற்போது கிடைத்துள்ளது. எனவே, ஒரே நாளில் பிரச்சினையை தீர்ப்பதற்கான சூழல் உருவாகியுள்ளதென தெரிவித்திருந்தேன். ஆனாலும், அத்தகைய சந்தர்ப்பத்தை அவர் நடைமுறைப்படுத்தாதது எனக்கு கவலையளிக்கின்றது என்று கூறியுள்ளார்.

TELO Admin