கரைதுறைபற்று பிரதேச சபை உங்களிடம் அவசர வேண்டுதல் தண்ணிரூற்று பொதுச் சந்தை தொடர்பான மிக அவசியமான விடயங்களை பல நாட்கள் அவதானிப்பின் பின் உடனடி தீர்வுக்காக இதனை முன்வைக்கின்றேன் என ரெலோ வின் தலைமை குழு உறுப்பினரும் கரைதுறைபற்று பிரதேச சபையின் முன்னாள் தவிசாளருமான கமல விஜிந்தன்
01-தண்ணிரூற்று பொதுச்சந்தையின் நுழைவாயில் பகுதி எந்தவிதமான அச்சறக்கையும் இல்லாமல் திறந்த வெளியாக காணப்படுகின்றது இதனால் இரவு நேரங்களில் கால்நடைகள் குறிப்பாக மாடுகள் தங்கு பட்டியாக மாறுகின்றது இதனால் வியாபாரிகள் பெரும் அசௌரியங்களை எதிர்கொள்கின்றார்கள் இதனை நேரடியாகவும் அவதானித்தேன் அவர்கள் என்னை அழைத்தும் பேசியிருந்தார்கள் எனவே அவர்களுடைய கோரிக்கையையும் உங்களுடைய கடமைகளையும் கருத்தில் கொண்டு உடனடியாக அதனை அச்சறக்கை செய்து வழங்குமாறு கேட்டுக் கொள்கின்றேன் .
02- சந்தையினுள் நுழைவதற்கான பாதை மிகவும் சரியான முறையில் அல்லது இலகுவான முறையில் நுழையக் கூடியதாக இல்லை இதனை உடனடியாக RDA உடன் தொடர்பு கொண்டு அந்த உள் நுழையும் பாதையினை சீர் செய்து கொடுப்பதன் ஊடாக வியாபார நடவடிக்கைக்கும் பயனாளிகளுடைய போக்குவரத்துக்கும் இலகுவாக அமையும் இதனை RDA உடன் தொடர்புகொள்ளும் பட்சத்தில் ஒரு சில நாட்களுக்குள்ளேயே செய்து முடிக்க முடியும் இதனையும் தாங்கள் உடனடியாக கவனத்தில் கொள்ளவும்
03- விரைவில் மின்னொழுக்கு ஏற்படக்கூடிய வாய்ப்பு காணப்படுகின்றது அதனையும் சீர் செய்வதற்கான ஏற்பாடுகளை மேற்கொள்ளவும்
04- மிகவும் கவலைக்குரிய விடயம் தண்ணிரூற்று பொதுச்சந்தையானது மிக விரைவில் மூடு விழாவை காண்பதற்கான வாய்ப்பு காணப்படுகின்றது அது தற்போது மேலும் வலுப்பெற்று இருக்கிறது இந்த விடயத்தை நீங்கள் யாவரும் அறிந்தது இதற்கான தீர்வுக்கு பல வழிகள் உண்டு அதனுடாக தீர்வை நோக்கி நகர்ந்து நீண்ட வரலாறுகளைக் கொண்ட மிக முக்கியமான வருமானம் மூலமாக இருந்த தண்ணிரூற்று பொதுச்சந்தையினை அதன் இருப்பினை பாதுகாக்க நடவடிக்கை எடுக்கவும்.
பொது நலன்களுடன்
கமல விஜிந்தன்