வர்த்தகம், முதலீடு மற்றும் உள்நாட்டு நல்லிணக்க செயன்முறை குறித்து இலங்கை மற்றும் ஐக்கிய இராச்சிய அமைச்சருக்கிடையில் விசேடகலந்துரையாடலொன்று இடம்பெற்றுள்ளது.
வெளிநாட்டலுவல்கள் அமைச்சர் பேராசிரியர் ஜீ.எல்.பீரிஸ் மற்றும் தெற்காசியா, ஐக்கிய நாடுகள், பொதுநலவாய நாடுகளுக்கான ஐக்கிய இராச்சியத்தின்இராஜாங்க அமைச்சர் விம்பிள்டனின் பிரபு அஹ்மத் ஆகியோருக்கிடையில் நியூயோர்க்கில் உள்ள இலங்கைத் தூதரகத்தில் இந்த கலந்துரையாடல்இடம்பெற்றுள்ளது.
வர்த்தகம், துறைமுக நகரம் மற்றும் ஏனைய இடங்களில் காணப்படுகின்ற முதலீட்டு வாய்ப்புக்கள் பல்வேறு விடயங்கள் தொடர்பில் இதன் போதுகலந்துரையாடப்பட்டதாக வெளிநாட்டலுவல்கள் அமைச்சு தெரிவித்துள்ளது.
கொவிட் தொற்றுநோயால் தடைகள் விதிக்கப்பட்டுள்ள போதிலும், உள்நாட்டு நிறுவனங்களால் பல்வேறு துறைகளில் ஏற்படுத்தப்பட்டுள்ள கணிசமானமுன்னேற்றங்கள் குறித்து அஹ்மத் பிரபுவுக்கு அமைச்சர் ஜீ.எல்.பீரிஸ் விரிவாக விளக்கினார்.
வசதியான காலப்பகுதியில் விரைவில் இலங்கைக்கு விஜயமொன்றை மேற்கொள்ளுமாறு அமைச்சர் பீரிஸ் விடுத்த அழைப்பை அஹ்மத் பிரபு ஏற்றுக்கொண்டதாகவும் வெளிநாட்டலுவல்கள் அமைச்சு தெரிவித்துள்ளது.
Share