இலங்கை தேசியக் கொடிக்கு வந்த நிலை ! சீனாவுடன் கவலை எழுப்புகிறது இலங்கை

இலங்கையின் தேசிய கொடியுடன் வடிவமைக்கப்பட்ட தரைவிரிப்புகள் தற்போது விற்பனைக்கு வந்துள்ள படங்கள் சமூக வலைத்தளங்களில் வெளியாகியுள்ளன.

பொருட்களை இணையத்தளத்தில் விற்பனைசெய்யும் உலகின் முன்னணி இணையத்தள பொருள் விற்பனை தளமான amazon இல் இவ்வாறு இலங்கை கொடியை பயன்படுத்தி உருவாக்கப்பட்ட தரை விரிப்புகள் காட்சிப்படுத்தப்பட்டுள்ளன.

குறித்த தரைவிரிப்பு 12 டொலருக்கு விற்பனை செய்யப்பட்டு வருகின்றது.

இவ்வாறு இலங்கையின் தேசிய கொடியுடனான தரைவிரிப்புக்கள் விற்பனை செய்யப்படுகின்றமைக்கு எதிராக பலரும் பல்வேறு கருத்துக்களை சமூக ஊடகங்களில் தெரிவித்துவருகின்றமை குறிப்பிடத்தக்கது.

வெளியுறவு செயலாளர் அட்மிரல் பேராசிரியர் ஜெயநாத் கொலம்பேஜ் பெய்ஜிங்கில் உள்ள இலங்கை தூதரகத்திற்கு சீனாவில் சம்பந்தப்பட்ட உற்பத்தியாளரை தொடர்பு கொள்ளுமாறு தெரிவித்துள்ளார், மேலும் கொழும்பில் உள்ள சீன தூதரகத்தின் கவனத்திற்கும் கொண்டு வந்துள்ளார்.