இலங்கை நிலவரம் தொடர்பில் வெளிநாட்டு இராஜதந்திரிகளை சந்தித்த பீரிஸ்!

வெளிவிவகார அமைச்சர் பேராசிரியர் ஜீ.எல். பீரிஸ், வெளிநாட்டு இராஜதந்திரிகளை சந்தித்து கலந்துரையாடியுள்ளார்.

இதன்போது, இலங்கையில் நிலவும் நிலைமை குறித்து இதன்போது அமைச்சர், இராஜதந்திரிகளுக்கு விளக்கியுள்ளார்.

கொழும்பிலுள்ள வெளிவிவகார அமைச்சில்   இந்த சந்திப்பு இடம்பெற்றுள்ளது.

பொருளாதார நெருக்கடியால் ஏற்பட்டுள்ள எரிபொருள் தட்டுப்பாடு, மின்வெட்டு, அத்தியாவசிய மருந்துப் பற்றாக்குறை போன்ற பிரச்சினைகளுக்கு மக்கள் முகம்கொடுத்துள்ளமை தொடர்பில் தெளிவுபடுத்தியுள்ள அமைச்சர் பீரிஸ், மக்களின் கஷ்டங்களையும் அதன் அளவையும் இலங்கை அரசாங்கம் முழுமையாக புரிந்துக்கொண்டுள்ளதாகவும் கூறியுள்ளார்.

எவ்வாறாயினும் மக்களின் பிரச்சனைகளை தீர்ப்பதற்காக அரசாங்கம் நடவடிக்கைகளை எடுத்து வருவதாகவும் இதன்படி கூடிய விரைவில் தீர்வுகள் கிடைக்கும் என்று நம்புவதாகவும் குறிப்பிட்டுள்ளார்.