சுகாதார அமைச்சினால் பிறப்பிக்கப்பட்ட தனிமைப்படுத்தல் உத்தரவுகளை மீறிய குற்றச்சாட்டுக்காக இதுவரையான காலப் பகுதியில் 80 ஆயிரத்துக்கும்மேற்பட்டவர்கள் கைதுசெய்யப்பட்டுள்ளனர்.
குறித்த குற்றச்சாட்டுக்காக இன்று காலை 6.00 மணியுடன் நிறைவடைந்த கடந்த 24 மணிநேரப் பகுதியில் 110 பேர் கைதுசெய்யப்பட்டுள்ளனர்.
அதேநேரத்தில் நான்கு வாகனங்களும் பொலிஸாரினால் பறிமுதல் செய்யப்பட்டுள்ளது.
2020 ஒக்டோபர் 30 முதல் இதுவரையான காலப் பகுதியில் தனிமைப்படுத்தல் உத்தரவுகளை மீறிய குற்றச்சாட்டுக்காக மொத்தம் 80,055 பேர்கைதுசெய்யப்பட்டுள்ளனர்.
இதேவேளை மேல் மாகாணத்தின் 13 நுழைவு மற்றும் வெளியேறும் இடங்களில் நேற்றைய தினம் 1,718 வாகனங்களில் பயணம் செய்த 2,596 நபர்கள்பொலிஸாரினால் சோதனைக்கு உட்படுத்தப்பட்டுள்ளனர்.
இவர்களில் உரிய காரணமின்றி 52 வாகனங்களில் பயணித்த 99 நபர்கள் திருப்பி அனுப்பப்பட்டுள்ளனர்.