நாட்டில் புதிய அரசியல் கட்சிகளை பதிவு செய்வதற்காக இதுவரை 35 விண்ணப்பங்கள் சமர்ப்பிக்கப்பட்டுள்ளன.
குறித்த விண்ணப்பங்கள் விரைவில் பட்டியலிடப்படும் என தேர்தல்கள் ஆணைக்குழுவின் தலைவர் நிமல் புஞ்சிஹேவா தெரிவித்துள்ளார்.
அதன்பின்னர், விண்ணப்பதாரர்களுக்கான நேர்காணல்கள் முன்னெடுக்கப்பட்டு தெரிவு செய்யப்பட்ட கட்சிகளை பதிவு செய்வதற்கு அனுமதி வழங்கப்படுவது தொடர்பில் தேர்தல்கள் ஆணைக்குழுவினால் தீர்மானிக்கப்படும் எனவும் அவர் கூறியுள்ளார்.
இந்நிலையில் புதிய அரசியல் கட்சிகளை பதிவு செய்வதற்கான கால அவகாசம் நிறைவடைந்துள்ளமைக் குறிப்பிடத்தக்கது.