Author: TELO Admin

முல்லைத்தீவு மாவட்டத்தின் கரைதுறைப்பற்று பிரதேச சபையின் எல்லைக்கு உட்பட்ட பிரதேசங்கள் முடக்கப்படுகின்ற போது அல்லது குடும்பங்கள் தனிமை படுத்தப்படுகின்ற போதோ குடி நீர் பிரச்சினை ஏற்படுமாயின், தீர்த்து வைக்க நடவடிக்கை எடுத்துள்ளதாக தமிழ் ஈழ விடுதலை இயக்கத்தின்(ரெலோ) மத்திய குழு உறுப்பினரும் முல்லைத்தீவு மாவட்டத்தின் கரைதுறைப்பற்று பிரதேச சபை தவிசாளருமான க.விஜிந்தன் அவர்கள் தெரிவித்துள்ளார்.

நாட்டில் தற்;போது பயணக்கட்டுப்பாடு விதிக்கப்பட்டுள்ள நிலையில் மக்கள் குடிதண்ணீரை பெற்றுக்கொள்வதாக இருந்தால் வட்டார உறுப்பினர்கள் அல்லது உப பிரதேச சபை பொறுப்பதிகாரிகளுடன் குறித்த கிராம அலுவலர்கள் தொடர்புகொள்ளும் வேளையில் இலவசமாக குடி நீரை வழங்க ஏற்பாடு செய்யப்பட்டுள்ளதாக கரைதுறைப்பற்று பிரதேச சபை தவிசாளர் க.விஜிந்தன் தெரிவித்துள்ளார்.

முல்லைத்தீவு மாவட்டத்தின் மூன்று பொலீஸ் பிரிவுகளை உள்ளடக்கிய கரைதுறைப்பற்று பிரதேசம் காணப்படுகின்றது 46 கிராம சேவை பிரிவுகளை கொண்ட பிரதேசத்தில் 13ஆயிரத்தி 280 குடும்பங்கள் வாழ்ந்து வருகின்றார்கள்.ஆடைத்தொழில்சாலையுடன் தொடர்புடைய கொரோனா தொற்றாளர்கள் என (21.05.21 வரை) 88 குடும்பங்கள் தனிமைப்படுத்தப்பட்டுள்ளமை குறிப்பிடத்தக்கது.

எதிர்க்கட்சித் தலைவர் சஜித் பிரேமதாஸ மற்றும் அவரது மனைவி ஜலனி பிரேமதாஸ ஆகியோருக்கு கொவிட் தொற்று உறுதி செய்யப்பட்டுள்ளது.

மேற்படி தகவலை சஜித் பிரேமதாஸ தனது உத்தியோகபூர்வ டுவிட்டர் தளத்தில் தெரிவித்துள்ளார்.

நேற்றுச் சனிக்கிழமை தமது மனைவிக்குத் தொற்று உறுதியானதாகவும், தற்போது அவர் வைத்தியசாலையில் அனுமதிக்கப்பட்டுள்ளார் என்றும் அவர் தெரிவித்துள்ளார்.

இதனையடுத்துத் தாமும் பிசிஆர் பரிசோதனை மேற்கொண்ட போது தொற்று உறுதியானதாகவும் எதிர்க்கட்சித் தலைவர் சஜித் பிரேமதாஸ மேலும் குறிப்பிட்டுள்ளார்.

குறித்த தகவலை சஜித் பிரேமதாஸ தனது உத்தியோகபூர்வ டுவிட்டர் தளத்தில் குறிப்பிட்டுள்ளார்.

“இலங்கையில் தமிழ் மொழியைத் தொடர்ச்சியாக புறக்கணித்து மொழிச் சட்டத்தை மீறும் சீனாவுக்கு எதிராக வீதி போராட்டம் நடத்த வேண்டிய நிலை உருவாகும்” என தமிழ் முற்போக்கு கூட்டணியின் தலைவரும் கொழும்பு மாவட்ட பாராளுமன்ற உறுப்பினருமான மனோ கணேசன் எச்சரித்துள்ளார்.

இது தொடர்பான அவரின் ருவிட்டர் பதிவு வருமாறு:-

“தமிழைத் தவிர்த்து, சீனர்கள் மொழிச் சட்டத்தை இங்கு மீறுகின்றார்கள். சிங்களம், தமிழ் இரு மொழிகளையும் தவிர்த்த சீன மொழி மட்டுமுள்ள பெயர்ப் பலகைகளும் உள்ளன. நான் சீனத் தூதுவரைச் சந்தித்து இது பற்றி விளக்கியுள்ளேன். எனினும், பயனில்லை. இந்நிலை தொடருமானால், நாம் தெருப் போராட்டம் செய்ய வேண்டி வரும்.”

முஸ்லிம் கட்சிகள் அதன் தலைவர்களின் கட்டுப்பாட்டில் இல்லை என திருமலை மாவட்ட நாடாளுமன்ற உறுப்பினர் இம்ரான் மஹ்ரூப் தெரிவித்தார்.

துறைமுக நகர சட்டமூலத்துக்கான வாக்கெடுப்பு தொடர்பில் ஊடகங்களிடம் இன்று (22)கருத்து வெளியிடும்போதே அவர் இவவ்வாறு தெரிவித்தார்.

தொடர்ந்தும் கருத்து வெளியிட்ட அவர்,

இன்று காணப்பப்படும் பிரதான இரண்டு முஸ்லிம் கட்சிகளும் அதன் தலைவர்களின் கட்டுப்பாட்டில் இல்லை. அது ராஜபக்சகளின் கட்டுப்பாட்டில் உள்ளமை இருபதாம் திருத்தம் மற்றும் துறைமுக நகர சட்டமூல வாக்கெடுப்பின் மூலம் தெளிவாகிறது.

இருபதாம் திருத்த சட்டமூலத்தில் தலைவர் எதிராகவும் நாடாளுமன்ற உறுப்பினர்கள் ஆதரவாகவும் வாக்களித்தனர்.அதன்பின் அவர்களுக்கு எதிராக ஒழுக்காற்று நடவடிக்கை எடுக்கப்படவுள்ளது. இனி அவர்கள் கட்சியின் முடிவுகளுக்கு கட்டுப்பட்டு நடப்பார்கள் என தெரிவிக்கப்பட்டது.

ஆனால் துறைமுக நகர சட்டமூலத்தில் இந்த நாடாளுமன்ற உறுப்பினர்கள் தொடர்ந்தும் ராஜபக்சக்களின் காட்டுப்பாட்டில்லையே உள்ளனர் என்பது புலனாகியது.

அதுவும் இந்த சட்டமூல விவாதத்தில் இதற்கு எதிராக பேசிய முஸ்லிம் காங்கிரஸ் தலைவர் ரவூப் ஹக்கீமை இவர்கள் வாக்காளிக்காமல் தடுத்துள்ளனர். காரணம் இவர்களால் ராஜபக்சக்களுக்கு எதிராக வாக்காளிக்க முடியாது. எனவே எதிராக வாக்ளிக்க இருந்த தலைவரையும் வாக்காளிக்காமல் தடுத்து இவர்கள் மக்களிடமும் ராஜாபக்சக்களிடமும் தப்ப முயற்சிக்கின்றனர்.

அடுத்த பக்கம் அகில இங்கை மக்கள் காங்கிரஸ் தலைவர் றிசாட் பதியுதீன் அநியாயமாக சிறையில் அடைக்கப்பட்டிருந்தும் கூட அக்கட்சியின் இரு நாடாளுமன்ற உறுப்பினர்கள் ஆதரவாக வாக்களித்தனர். தமது தலைவரை சிறையில் அடைத்த அரசை எதிர்த்து வாக்களிக்க முடியவில்லை.

ஆகவே இவர்கள் அனைவரும் தற்போது ராஜபக்சக்களின் கட்டுப்பாட்டில் உள்ளதால் இவர்களால் அரசை எதிர்த்து ஒன்றும் பேச முடியாது என தெரிவித்தார்.

பாராளுமன்ற உறுப்பினர் ரிஷாட் பதியுதீனின் அகில இலங்கை மக்கள் காங்கிரஸ் பாராளுமன்ற உறுப்பினர்கள் இருவர் கட்சியில் இருந்து இடைநீக்கம் செய்யப்பட்டுள்ளதாக தெரிவிக்கப்படுகின்றது.

அநுராதபுர மாவட்ட பாராளுமன்ற உறுப்பினர் இஷாக் ரஹ்மான், புத்தளம் மாவட்ட பாராளுமன்ற உறுப்பினர் அலி சப்ரி ரஹீம் ஆகியோரே இவ்வாறு கட்சியில் இருந்து இடைநீக்கம் செய்யப்பட்டுள்ளனர்.

கொழும்பு துறைமுக நகர பொருளாதார ஆணைக்குழு சட்டமூலத்திற்கு ஆதரவாக வாக்களித்த காரணத்தினால் அவர்கள் கட்சியில் இருந்து இடைநீக்கம் செய்யப்பட்டுள்ளதாக தெரிவிக்கப்படுகின்றது.

தமிழ் ஈழ விடுதலை இயக்கத்தின் முன்னாள் தலைவர் ஸ்ரீசபாரெத்தினம் அவர்களின் 35வது ஆண்டு வீரவணக்க நிகழ்வு ரெலொவின் பிருத்தானியாகிளை ஏற்பாட்டில் Harrow பகுதியில் அமைந்துள்ள Harrow West Conservative Association மண்டபத்தில் இன்று (21-05-2021) நடைபெற்றது.

இந்நிகழ்வுக்கு தமிழ் ஈழ விடுதலை இயக்கத்தின் மூத்த உறுப்பினர் பாரி ஈகைச்சுடரேற்றி நிகழ்வுகளை ஆரம்பித்து வைத்தார்.

அஞ்சலி நிகழ்வு பிரித்தானிய கிளையின் பொறுப்பாளர் சாம் சம்பந்தன் தலைமையில் நடைபெற்றது.

மறைந்த தலைவர் ஸ்ரீசபாரெத்தினம்,மற்றும் அனைத்துப் போராளிகள்,பொதுமக்கள் ஆகியோருக்கு இரண்டு நிமிட மெளன அஞ்சலி இடம்பெற்றதைத் தொடர்ந்து

மலர் அஞ்சலிகள் முன்னாள் ரெலோ முக்கியஸ்தர்கள் அரபாத்,சிவபெருமான்,ரூபன்,பரா,சிங்கன், திரு,மனேஜர்,பீற்றர்,மதன்,நந்தன்,மூர்த்தி,ரஜனி,கொடி, புண்ணியம் ஆகியோரால் நிகழ்த்தபட்டது.

ரெலோ வின் முன்னைநாள் நிதி பொறுப்பாளர் அரபாத்,சிவபெருமான்,பரா தலைவர் ஸ்ரீசபாரெத்தினரத்தினத்துடன் தமது கடந்த கால சம்பவங்களை நினைவுகூர்ந்து சிறப்புரை ஆற்றினார்கள்.

தற்கால சூழ்நிலையில் 30 பேர் கொண்ட ஒன்று கூடலுக்கான அனுமதியை கருத்தில் கொண்டு மட்டுப்படுத்தப்பட்ட உறுப்பினர்களுடன் எமது பிருத்தானியாகிளையின் அஞ்சலி நிகழ்வு இன்று நடைபெற்றது.