Category: பிரதான செய்திகள்

முன்னாள் பிரதமர் மஹிந்த ராஜபக்ஷ, முன்னாள் நிதி அமைச்சர் பசில் ராஜபக்ஷ, முன்னாள் மத்திய வங்கி ஆளுநர் அஜித் நிவார்ட் கப்ரால் உள்ளிட்ட பலர் நாட்டை விட்டு வெளியேறுவதற்கு தடை விதிக்குமாறு கோரி உயர் நீதிமன்றில் மனு தாக்கல் செய்யப்பட்டுள்ளது.

ஜனாதிபதியோ அல்லது பிரதமரோ தமது உத்தியோகபூர்வ கடமைகளை எங்கு செய்கின்றார்கள் என்பது பொது மக்களுக்கு தெரிவதில்லை என மனுதாரர்கள் குறிப்பிட்டுள்ளனர்.

பிரதிவாதிகள் நாட்டை விட்டு வெளியேறலாம் என்றும், அதன் மூலம் மனுதாரர்கள் கோரும் தகவல்களை வழங்குவதைத் தவிர்க்கலாம் என்றும் சுட்டிக்காட்டியுள்ளனர்.

சிவில் அமைப்புகளை சேர்ந்த சிலர் இந்த மனுவை தாக்கல் செய்துள்ளனர்.

ஜனாதிபதி கோட்டபாய ராஜபக்ஸ மற்றும் 15 வரையிலான அவரது நெருங்கிய குடும்ப உறவினர்கள் மற்றும் உதவியாளர்கள் விமான நிலையம் ஊடாக நாட்டை விட்டு வெளியேறுவதற்கு மேற்கொண்ட பல முயற்சிகள் தோல்வி அடைந்துள்ளன. அதேவேளை, அமெரிக்காவுக்கு செல்வதற்கு ஜனாதிபதி விசா விண்ணப்பித்த போதிலும் அமெரிக்க அதனை மறுத்துள்ளது. அதேவேளை, இலங்கை விமானபப்டையின் விமானங்கள் இந்திய மண்ணில் தரை இறங்குவதற்கு இந்தியா மறுப்பு தெரிவித்துள்ளது. முன்னாள் அமைச்சர் பசில் ராஜபக்ஸ நாட்டை விட்டு வெளியேறுவதற்கு மேற்கொண்ட முயற்சிகளும் விமான நிலைய அதிகாரிகளினால் முறியடிக்கப்பட்டுள்ளன.

திருகோணமலை கடற்படை முகாமில் தஞ்சம் புகுந்திருந்த ஜனாதிபதி மற்றும் உறவினர்கள் , நேற்று திங்கட் கிழமை இரண்டு பெல் 412 ரக உலங்கு வானூர்தி மூலம் கொழும்பு ரத்மலான விமான நிலையத்துக்கு சென்றிருந்தார். அங்கே, முப்படையினரின் தளபதிகளை சந்தித்துவிட்டு, மாலை கட்டுநாயக்க விமான நிலையத்துக்கு சென்றார். அங்கிருந்து ஸ்ரீலங்கன் ஏர்லைன்ஸ் UL225 ஊடாக டுபாய்க்கு அவர்கள் ஜனாதிபதியும் அவரது உறவினர்களும் அனைவரும் செல்வதற்கு திட்டமிடப்பட்டிருந்தது. ஆனால், அவர்களை குடிவரவு பகுதிக்கு அவர்களின் கடவுசீட்டுக்களை ஸ்டாம் பண்ணுவதற்கு வருமாறு குடிவரவு அதிகாரிகள் நிர்ப்பந்தித்தனர். ஆனால், பாதுகாப்பு காரணங்கள் காரணமாக அந்த பகுதிக்கு செல்வதற்கு அவர்கள் மறுத்தனர். அதேநேரம் , விசேட மற்றும் அதி விசேட அதிதிகள் செல்லும் குடிவரவு பகுதியில் பணியாற்றும் அதிகாரிகள் சனிக்கிழமை இரவு முதல் தமது பணிகளை இடை நிறுத்தி இருந்தனர்.

அதேசமயம், ஜனாதிபதியை ஏற்றிக்கொண்டு சென்ற இலங்கை விமானப்படைக்கு சொந்தமான AN32 என்ற விமானம் இந்திய விமானம் நிலையம் ஒன்றில் தரை இறங்குவதற்கு இந்தியா மறுத்துள்ளதாக ஊடகங்கள் தகவல் வெளியிட்டுள்ளன. இதன் காரணமாக, இலங்கை விமானப்படை முகாம் ஒன்றில் ராஜபக்ஸ நேற்றைய இரவை கழித்தார்.

2019 ஆம் ஆண்டு ஜனாதிபதி தேர்தலில் போட்டியிடுவதற்காக தனது அமெரிக்க பிரஜாவுரிமையை கோட்டபாய திறந்திருந்ததால், அமெரிக்க செல்லுவதற்கு கொழும்பில் உள்ள அமெரிக்க தூதரகத்தில் விசாவுக்கு விண்ணப்பித்திருந்தார். ஆனால், அவரின் விண்ணப்பம் நிராகரிக்கப்பட்டுள்ளதாக அமெரிக்க தூதரகம் உறுதிப்படுத்தியுள்ளது. அவரின் மகன், மருமகள் மற்றும் பேரப்பிள்ளை ஆகியோர் இன்னமும் அமெரிக்க பிரஜைகளே. ஆனால், அவர்கள் இன்னமும் அமெரிக்காவிலேயே வாழ்கின்றனர்.

அமெரிக்க குடியுரிமையை திறந்த ஒருவருக்கு மீண்டும் விசா வழங்க முடியாது என்றும் நெருங்கிய குடும்ப உறவினர் ஒருவரின் மரணம் அல்லது மருத்துவ காரணங்களுக்காக மட்டுமே விதிவிலக்காக விசா வழங்கப்படும் என்றும் அமெரிக்க தூதரகம் விளக்கம் அவருக்கு அளித்துள்ளது.

அவருக்கு விசா இல்லை என்பது மிகவும் தெளிவுபடுத்தப்பட்டுள்ளது. ஒரு நாட்டின் தலைவராக அவர் அங்கு செல்லலாம். ஆனால், தற்போதைய நிலைமைகள் வேறு ” என்று அமெரிக்க தூதரகம் தெரிவித்துள்ளது.

ஆனால், ஜனாதிபதியின் சகோதரர் பசில் ராஜபக்ஸ அண்மையில் அவரது அமெரிக்க கடவு சீட்டை தொலைத்திருந்த நிலையில் புதிதாக கடவுசீட்டை பெறுவதற்கு அமெரிக்க தூதரகம் உதவியிருக்கின்றது. சில நாட்களுக்கு முன்னர் ஜனாதிபதி அலுவலகம் ஆர்பாட்டக்காரர்களினால் முற்றுகை இடப்படுவதற்கு முன்னர் ஜனாதிபதியும் பசிலும் தப்பி சென்றிருந்த நிலையில், பசில் அவரது கடவுசீட்டை அங்கு விட்டு சென்றிருந்தார். கட்டுநாயக்க விமான நிலையத்தின் சில்க் பாதை ஊடாக நாட்டை விட்டு வெளியேறுவதற்கு பசில் மேற்கொண்ட முயற்சி குடிவரவு அதிகாரிகளினால் முறியடிக்கப்பட்டது.

ஜனாதிபதி பதவி விலக தயார் என்ற அறிவிப்பை விடுப்பதை விடுத்து, பிரதமரும் பதவி விலக வேண்டும் என கொழும்பு மாளிகையை கட்டுப்பாட்டில் வைத்துள்ள போராட்டக்காரர்கள் கூறுகின்றனர்.

தான் முன்பு கூறியதை போன்றே, எதிர்வரும் 13ம் திகதி பதவி விலக தயார் என ஜனாதிபதி கோட்டாபய ராஜபக்ஷ அதிகாரபூர்வமாக பிரதமர் ரணில் விக்ரமசிங்கவிற்கு அறிவித்துள்ளதாக பிரதமர் அலுவலகம் இன்று காலை தெரிவித்தது.

இந்த நிலையில், பிரதமரும் பதவி விலக வேண்டும் என போராட்டக்காரர்கள் கூறுகின்றனர்.

உரிய தீர்வு கிடைக்கும் வரை, தாங்கள் ஜனாதிபதி மாளிகையை விட்டு வெளியேற போவதில்லை என போராட்டக்காரர்கள் இன்று அறிவித்துள்ளனர்.

சட்ட விரோதமான முறையில் படகு மூலம் அவுஸ்திரேலியா செல்ல முயன்றதாக கூறப்படும் 77 பேர் மட்டக்களப்பு, களுவங்கேணி கடற்கரை பகுதியில் கைது செய்யப்பட்டுள்ளனர்.

இவர்களில் பெண் ஒருவர் உட்பட 17 பேரை ஏறாவூர் பொலிஸாரிடம் ஒப்படைத்துள்ளதுடன் ஏனைய 60 பேரை படகுடன் திருகோணமலை கடற்படை முகாமிற்கு கொண்டு சென்றுள்ளதாக பொலிஸார் தெரிவித்தனர்.

இன்று அதிகாலை 2 மணியளவில் மட்டக்களப்பு ஏறாவூர் பொலிஸ் பிரிவிலுள்ள கடல்பகுதியில் இயந்திரப்படகில் பயணித்த இயந்திரப்படகை கடற்படையின் படகுகள் சுற்றிவழைத்து கைப்பற்றினர்.

இதில் சட்விரோத குடியேற்றக்காரர்கள் 60 பேரை கைது செய்ததுடன் குறித்த சட்டவிரோத படகில் ஏறுவதற்கு களுவங்கேணி கடற்கரையில் வான் ஒன்றில் காத்திருந்த 17 பேரை கடற்படை புலனாய்வு பிரிவினர் பொலிஸாருடன் இணைந்து சுற்றிவழைத்து கைது செய்ததை அடுத்து 77 பேரையும் கைது செய்தனர்.

இதில் கைது செய்யப்பட்ட 60 பேரையும் படகையும் திருகோணமலை கடற்படை முகாமிற்கு இழுத்துச் சென்றுள்ளதுடன் களுவங்கேணி கடற்கரையில் கைது செய்யப்பட்ட பெண் ஒருவர் உட்பட 17 பேரையும் 14 அரை இலட்சம் ரூபாவையும் வான் ஒன்றையும் ஏறாவூர் பொலிஸ் நிலையத்தில் ஒப்படைத்துள்ளதுடன், இதில் கைது செய்யப்பட்டவர்கள் யாழ்ப்பாணம், முல்லைத்தீவு போன்ற பிரதேசங்களைச் சேர்ந்வர்கள் என பொலிஸார் தெரிவித்தனர்.

முன்னர் அறிவித்தபடி பதவி விலகுவதாக ஜனாதிபதி பிரதமருக்கு தெரியப்படுத்தியதாக பிரதமர் அலுவலகம் இன்று காலை அறிவித்திருந்தமை குறிப்பிடத்தக்கது.

இந்நிலையில் ஜனாதிபதி கோட்டாபய ராஜபக்ஷவின் செய்திகளை சபாநாயகர் மஹிந்த யாப்பா அபேவர்தன மட்டுமே வெளியிடுவார் என ஜனாதிபதி செயலகம் தெரிவித்துள்ளது.

இன்று திங்கட்கிழமை ஜனாதிபதி செயலகம் விடுத்துள்ள அறிக்கையிலேயே இந்த விடயம் தெரிவிக்கப்பட்டுள்ளது.