Category: தற்போதைய செய்திகள்

சஜித் பிரேமதாஸ தலைமையிலான ஐக்கிய மக்கள் சக்தி, ஜனாதிபதி
மீதான நம்பிக்கையில்லா பிரேரனையொன்றை கொண்டுவருவதற்கான

முயற்சிகளில் ஈடுபட்டு வருகின்றது. இதனை தமிழ்த் தேசியக் கூட்டமைப்பு

ஆதரிக்குமென கூட்டமைப்பின் பாராளுமன்ற உறுப்பினர் ஏம்.ஏ.சுமந்திரன்
தெரிவித்திருக்கின்றார். தமிழ்த் தேசியத்தை பிரதிநிதித்துவப்படுத்தும் ஐந்து
கட்சிகள் நிறைவேற்றதிகார ஜனாதிபதி முறைமையை இல்லாமலாக்க
வேண்டுமென்று கோரியிருக்கின்றன. இது தொடர்பில் அவர்கள் ஒரு அறிக்
கையை வெளியிட்டிருக்கின்றனர். வழமைபோல் தமிழரசுக் கட்சி வெளியில்
நிற்கின்றது.

சஜித் பிரேமதாஸவினால் முன்னெடுக்கப்படும் நம்பிக்கையில்லா
பிரேரணை முயற்சி வெற்றியளிக்குமா என்பதில் கேள்விகள் உண்டு.

ஏனெனில் ராஜபக்ஷக்களுக்கு எதிரான நிலைப்பாட்டிலுள்ளவர்கள் அனைவரும்
இதற்கு ஆதரவளிப்பார்களா- என்பது கேள்விக்குறியாகும். ஏனெனில்
அவர்களில் அநேகர், பஸில் ராஜபக்ஷவுடன் முரண்பாடுள்ளவர்களேயன்றி,
மொட்டு தலைமையிலான அரசாங்கம் தொடர்பில் அவர்களுக்குள் பெரிய சிக்கல்கள் இல்லை. அதேவேளை, சஜித் பிரேமதாஸ தலைமையிலான
அணியுடன் எதிர்காலத்தில் இணைந்து பணியாற்றுவதற்கான வாய்ப்புக்கள்
இருந்தால் மட்டும்தான், அவர்கள் ஜனாதிபதிக்கு எதிரான நம்பிக்கையில்லா
பிரேரணைக்கு ஆதரவளிப்பார்கள்.

இந்த இடத்தில் தமிழ்த் தேசியக் கட்சிகள் எவ்வாறான முடிவை எடுக்க
லாம்? ஜனாதிபதி கோட்டபாய ராஜபக்ஷவை பதவி விலகுமாறு கோரியே,
மக்கள் தொடர்ச்சியான ஆர்ப்பாட்டங்களில் ஈடுபட்டு வருகின்றனர். 69
லட்சத்திற்கு மேற்பட்ட சிங்கள மக்கள் கோட்டபாயவுக்கு வாக்களித்திருந்
தனர். ஆனால் தமிழ் மக்கள் ஜனாதிபதித் தேர்தலில் அவரை பெருவாரியாக
நிராகரித்திருந்தனர்.

அதேவேளை, ஜனாதிபதி கோட்டபாய ராஜபக்ஷவும், தன்னையொரு
சிங்கள பௌத்த தலைவராகவே காட்சிப்படுத்தியிருந்தார். அனுராதபுரத்தில்,
தனது பதவிப் பிரமாணத்தை செய்ததன் மூலம், தனது வழி சிங்களபௌத்தம் என்பதை மிகவும் தெளிவாகவும், வெளிப்படையாகவும் பிரகடனப்படுத்திருந்தார்.

இந்த நிலையில், அவரைப் பதவி விலகுமாறு கூறும் கோரிக்கையை தமிழ்த் தேசியத் தரப்புக்கள் எவ்வாறு கையாள வேண்டும்?

ஜனாதிபதியை பதவி விலகுமாறு கூறும் சஜித் தரப்பு, இதுவரையில்
தமிழ் மக்களின் தேசிய இனப்பிரச்னை தொடர்பில் எவ்விதமான நிலைப்
பாடுகளையும் முன்வைக்கவில்லை. ஆகக் குறைந்தது கோட்டபாய ராஜ
பக்ஷவின், தமிழர் பிரச்னை தொடர்பான நிலைப்பாட்டை தான் ஏற்றுக் கொள்ளவில்லை என்பதைக்கூட, சஜித் பிரேமதாஸ தெளிவுபடுத்தவில்லை.
ஆட்சியதிகாரத்தை கைப்பற்றும் நோக்கிலேயே அவரது செயற்பாடுகள்
அமைந்திருக்கின்றன. இந்த நிலையில் சஜித் பிரேமதாஸவின் நம்பிக்
கையில்லா பிரேரணையை ஆதரிப்பது தொடர்பில் ஒன்றுக்கு இரண்டு
முறை தமிழ்த் தேசியக் கட்சிகள் சிந்தித்து செயற்படவேண்டும்.

ஜனநாயக்ததை உறுதிப்படுத்துதல் என்னும் ஒற்றைச் சொல்லை வைத்துக்
கொண்டு, விடயங்களை மேலோட்டமாக பார்க்கக்கூடாது. 2015 ஆட்சி
மாற்றமும் அப்படியானதொரு கணிப்பின் அடிப்படையில்தான் தமிழர்களால்
ஆதரிக்கப்பட்டது. ஆனால் இறுதியில் என்ன நடந்தது? ரணில்-மைத்திரி
ஆட்சியாளர்களால் தமிழ் மக்களின் ஜனநாயகத்தை உறுதிப்படுத்த
முடிந்ததா?

நம்பிக்கையில்லாப் பிரேரணை தொடர்பில் மிகவும் கவனமான அணுகு
முறை அவசியம். ஒருவேளை, கூட்டமைப்பின் ஆதரவுடன், பிரேமதாஸ
வின், நம்பிக்கையில்லாப் பிரேரணை தோல்வியடையுமானால் – அதன்
பின்னர் கோட்டபாய ராஜபக்ஷவுடன் எந்தவொரு விடயம் தொடர்பிலும்
கூட்டமைப்பினரால் பேச முடியாமல் போகும். ரணில்-மைத்திரி முரண்
பாட்டின்போது, கூட்டமைப்பு ரணில் சார்பில் செயற்பட்டது. முக்கியமாக
சம்பந்தனும் சுமந்திரனும், அப்போதும் ஜனநாயகக் கதைகளையே கூறியிருந்தனர்.

இறுதியில் மைத்திரியின் எதிர்ப்பை சம்பாதித்துக்கொண்ட
கூட்டமைப்பால், அதன் பின்னர் அரசாங்கத்துடன் எவ்வித பேச்சுவார்த்தை
களையும் முன்னெடுக்க முடியவில்லை. இந்த அனுபவங்களிலிருந்துதான்
கூட்டமைப்பு அதன் முடிவுகளை பரிசீலிக்கவேண்டும். ஆதரிப்பது அல்லது
எதிர்ப்பது என்பதல்ல இங்கு விடயம். ஆனால், ஒரு முடிவால் வரப்போகும்
சாதக பாதங்கள் என்ன என்பதை கருத்தில் கொள்வதே முக்கியமானது.
ஓவ்வொரு முடிவும் இறுதியில் தமிழர்களுக்கு என்ன நன்மையை கொண்டு
வருமென்பதுதான் முக்கியமானது.

ஜனாதிபதி கோட்டாபய ராஜபக்ஷவுடன் இனி ஒருபோதும் பேச்சுவார்த்தை நடத்தமாட்டோம் என சுயாதீனமாக இயங்குவதற்கு தீர்மானித்துள்ளன 11 கட்சிகள் தீர்மானித்துள்ளன.
இந்தப் பேச்சுவார்த்தை இன்று (12) நடத்துவதற்கு ஏற்பாடு செய்யப்பட்டிருந்தது.

இடைக்கால அரசாங்கத்தை அமைப்பது தொடர்பில் இரண்டாவது சுற்றுப் பேச்சுவார்த்தை நடத்தப்படவிருந்தது.

தம்பியைக் காப்பாற்ற முனையும் தனையனது. இறுதி முயற்சியே நேற்றைய பிரதமரின் உரை. உலக வரலாற்றில் நடந்த புரட்சிகள், சர்வாதிகார ஆட்சி மாற்றங்கள் அனைத்திற்குமான காரணிகள்  நம்நாட்டில் நிரம்பியுள்ளன. என்ன செய்வது என நிங்கள் தீர்மானியுங்கள். இல்லையெனில் மக்கள் தீர்மானம் உங்களால் ஜீரணிக்க முடியாததாகலாம் என்று தமிழ்த் தேசியக் கூட்டமைப்பின் பாராளுமன்ற உறுப்பினரும் தமிழ் ஈழ விடுதலை இயக்கத்தின் (ரெலோ) செயலாளர் நாயகமுமான கோ.கருணாகரம் (ஜனா) தெரிவித்தார்.

நாட்டு மக்களுக்கு ஆற்றிய உரை தொடர்பில் ஊடகங்களுக்கு கருத்துத் தெரிவிக்கும் போதே இவ்வாறு தெரிவித்தார்.

மேலும் கருத்துத் தெரிவிக்கையில்,

நாட்டு மக்களுக்கு நேற்று பிரதமர் ஆற்றிய உரை தொடர்பாக என் மனதுக்குள் உடன் எழுந்த எண்ணங்களை என் தமிழ்த் தேசிய உணர்வுகளுடன் பகிர்கிறேன்.

அரசுத் தலைமை, அரசாங்கத் தலைமை மக்கள் முன் இன்னொரு தடவை உரையாற்ற முடியாத நிலையில் அரசாங்கப் பதவியணியில் தன் தம்பியைக் காப்பாற்ற பிரதமர் உரையாற்றியுள்ளார்.

இரண்டரை வருடங்களாக அரசுத் தலைவர், அரசாங்கத் தலைவர் எனும் வகையில் மேதகு அவர்கள் உரையாற்றுவார். இடையிடையே, பிரதமர் தன் தம்பிக்கு முட்டுக்கொடுப்பார்.
பேசும் போதெல்லாம் சிங்களப் பௌத்தப் பேரினவாதம் சிறகடித்துப் பறக்கும். அவர்கள் உடல் மொழிகளோ வித்தியாசமாக இருக்கும்.

நேற்றைய பிரதமர் உரையில், சிங்களமும் இல்லை. பௌத்தமும் இல்லை. அவர்களது வழமையான கம்பீர உடல் மொழியும் இல்லை. வார்த்தைகளில் கூட சுரத்து இல்லை. இன்னமும் கூட தமிழ் மக்கள் தம் உரிமைகளுக்காக போராடிய 70 வருட வரலாறுகள் தம்மை தக்க வைக்கத் தேவைப்படுகிறது.

யுத்தம் முடிந்து இத்தனை வருடங்கள் ஆகிவிட்டது. யுத்தத்தின் காரணங்கள் மாறிமாறி வந்த அரசாங்கங்களால் உணரப்படவில்லை. ராஜபக்ச குடும்பம் ஒட்டு மொத்த நாட்டின் சீரழிவுக்குக் காரணம் என்று நாம் கூறவில்லை. உங்கள் அரசின் 11 பங்காளிக் கட்சிகளே கூறுகின்றன. மொட்டுக் கட்சியின் பின்வரிசை உறுப்பினர்கள் கூறுகின்றனர். அமைச்சர்கள் பலர் கூறுகின்றனர். எதிர்க்கட்சிகள் கூறுகின்றன. ஆனால் நீங்கள் இன்னமும் புலியை ஒழித்த பூனையைப் புடுங்கிய சிங்கங்கள் நாம் என்று புலம்புகிறீர்கள்.

மக்கள் எரிபொருளுக்கு கியூவில் நிற்கிறோம். எரிவாயுவுக்கு கியூவில் நிற்கிறோம். அத்தியாவசியப்  பொருளுக்காக அலைகிறோம். உரமின்றி வாடுகிறோம். உயிர்வாழ வழியின்றி இருக்கிறோம் என்று நீங்கள் கூறுவதை ஏற்றுக் கொள்கிறோம். அதை உணர்கிறோம். அது உண்மை என்கிறோம். என்று கூறும் நீங்கள். உங்கள் அரச பதவிகளைத் துறவுங்கள். நீங்கள் அடித்த கமிசன்களை நாட்டின் திறைசேரிக்குத் தாருங்கள் என்பதனை  மட்டும் ஏற்க ஏன் தயங்குகிறீர்கள்.

உலகத்தில் எந்த ஒரு அரசுத் தலைவரும் உங்களைப் போல் புகழப்பட்டவர்களுமில்லை. உங்களைப் போல் இகழப்பட்டவருமில்லை. பெரும்பான்மை மக்களின் பெரும்பான்மையால் வெற்றிக்களிப்பில் மமதை கொண்ட நீங்கள், அதே பேரும்பான்மை மக்களின் பெரும்பான்மையினரால் இன்று இகழப்படுகிறீர்கள். இத்தனைக்கும் எம் தமிழ் இளைஞர்கள் இன்னும் ஓரமிருந்து ஓரக்கணாணால் பார்த்துக் கொண்டிருக்கிறார்கள்.

அரச ஊழியர்கள், நாளாந்த கூலித் தொழிலாளர்கள் வடக்கிலிரந்து தெற்கு வரை, கிழக்கிலிருந்து மேற்கு வரை யாவரும் உங்களுக்கு எதிராக கோசமிடுகிறார்கள். அதுவும் பெருமைமிகு உங்கள் குடும்பப் பெயரை சந்திக்கு இழுக்க வைக்க இன்னமும் விரும்புகிறார்கள்.

உலக வரலாற்றில் நடந்த புரட்சிகள், சர்வாதிகார ஆட்சி மாற்றங்கள் அனைத்திற்குமான காரணிகள்  நம்நாட்டில் நிரம்பியுள்ளன. என்ன செய்வது என நிங்கள் தீர்மானியுங்கள்.

இல்லையெனில் மக்கள் தீர்மானம் உங்களால் ஜீரணிக்க முடியாததாகலாம். நேற்றைய உங்கள் உரை என் மனதில் தந்த உணர்வு இதுவே. அது தம்பியைக் காப்பாற்ற முனையும் தனையனது. இறுதி முயற்சி. என்பதுவே!

ஜனாதிபதிக்கு எதிரான குற்றப் பிரேரணையை பொறுத்தமட்டில் நாங்கள் தனியாக முடிவு எடுப்பதை காட்டிலும் தமிழ்த் தேசியக் கூட்டமைப்பாக ஒரு முடிவு எடுத்தால் தான் அது பலமாக இருக்கும் என புளொட் தலைவரும் பாராளுமன்ற உறுப்பினருமான த. சித்தார்த்தன் தெரிவித்தார்.

கட்சியின் மத்திய குழு கூட்டத்திற்கு பின்னர் ஊடகங்களுக்கு கருத்து தெரிவிக்கும் போதே பாராளுமன்ற உறுப்பினர் இதனை தெரிவித்தார்.

மேலும் தெரிவிக்கையில்,

நாங்கள் பத்து பாராளுமன்ற உறுப்பினர்களாக முடிவு எடுக்கும்போது அது பலமாக இருக்கும். எந்தவிதமான பிரேரணை கொண்டு வந்தாலும் தமிழ்த் தேசியக் கூட்டமைப்பாக மூன்று கட்சிகளும் கலந்துரையாடி ஒரு முடிவை எடுக்க வேண்டும் என்றும் மூன்று கட்சியும் இணைந்து தீர்மானம் எடுக்க முடியாவிட்டால் நாங்கள் தனியாக தீர்மானிக்க முடியும் என்றும் தீர்மானம் எடுக்கப்பட்டது.

இலங்கை மக்களை மிகப் பெரிய அளவில் பொருளாதார நெருக்கடி பாதித்திருக்கின்றது. ஆகவே, பொருளாதார பின்னடைவு நிச்சயமாக நீண்ட காலமாக இருந்து வந்த ஒன்று. இந்த நாட்டிலே யுத்தத்திற்காக செலவழிக்கப்பட்ட பெருந்தொகையான பணங்கள் அதற்காக பட்ட கடன்கள் அதனால் ஏற்பட்ட அழிவுகள் எல்லாம் சேர்த்தே பொருளாதார பின்னடைவுக்கு ஆரம்பிக்க காரணமாக உள்ளது.

போராட்டத்துக்கு ஜனாதிபதி சரியான பதில் ஒன்றை வழங்க வேண்டும். ஜனாதிபதி பதவி விலக வேண்டும் என்று கூறியே மக்கள் போராடுகிறார்கள். அதனை ஜனாதிபதி செய்ய மாட்டார் என்றே நான் நினைக்கின்றேன். பொருளாதாரத்தை முன்னேற்ற ஜனாதிபதி நடவடிக்கை எடுக்க வேண்டும் என்றார்.

இதேவேளை, இணுவில் பகுதியில் இடம்பெற்ற புளொட் மத்திய குழுக் கூட்டத்தில் அண்மையில் உயிரிழந்த கட்சியின் பொதுச் செயலாளருமான அமரர் சு. சதானந்தம் அவர்களின் வெற்றிடத்திற்கு தற்காலிகமாக ஒருவர் நியமிக்கப்பட்டார்.

மத்திய குழுக் கூட்டத்தில் பாராளுமன்ற உறுப்பினர் த. சித்தார்த்தன் முன்னாள் வடமாகாணசபை உறுப்பினர்களான கஜதீபன், சிவநேசன் உட்பட கட்சியினுடைய உறுப்பினர்கள் பலரும் கலந்து கொண்டனர்.

கொழும்பு, காலி முகத்திடலில் முன்னெடுக்கப்படும் போராட்டம் நான்காவது நாளாகவும் தொடர்கிறது. நாடளாவிய ரீதியில் இளைஞர்களின் பங்குபற்றுதலுடன் கடந்த 9 ஆம் திகதி ஆரம்பமான இந்த போராட்டம் ஜனாதிபதி செயலகத்திற்கு முன்பாக இரவு பகலாக கூடாரங்களை அமைத்து போராட்டத்தில் ஈடுபட்டு வருகின்றனர்.

நேற்றிரவு (11) இடம்பெற்ற இந்த ஆர்ப்பாட்டத்திற்கு நடிகர்கள், கலைஞர்கள் உட்பட பெருந்தொகையான மக்கள் கூடியிருந்ததாக தெரியவருகிறது தெரியவருகிறது.

காலி முகத்திடலில் நேற்று இரவு கடும் மழை பெய்த போதிலும், போராட்டக்காரர்கள் தொடர்ந்தும் ஆர்ப்பாட்டத்தில் ஈடுபட்டனர்.