இலங்கைக்கான சீனத் தூதுவர் குய் சென்ஹோங் (Qi Zhenhong) இலங்கையின் கடன் விவகாரம் தொடர்பில் இலங்கையின் நிதி இராஜாங்க அமைச்சர் ஷெஹான் சேமசிங்கவுடன் விரிவான கலந்துரையாடல் ஒன்றை மேற்கொண்டுள்ளார்.
இதன்போது, இலங்கையின் பல்வேறு சவால்களை சமாளிக்க சீனாவின் தொடர்ச்சியான மற்றும் உறுதியான ஆதரவை தூதுவர் மீண்டும் வலியுறுத்தியதாக சீன தூதரகம் ட்வீட் செய்துள்ளது.
எனினும் தாம் இலங்கைக்கு வழங்கியுள்ள கடன்களை மறுசீரமைக்க சீனா உடன்பட்டதா? என்பது குறித்து தகவல்கள் வெளியாகவில்லை.
முன்னதாக கடந்த நவம்பர் 3 ஆம் திகதி, இலங்கை தனது கடனை மறுசீரமைக்கும் வகையில், இந்தியா மற்றும் சீனா உள்ளிட்ட இருதரப்பு கடன் வழங்குநர்களுடன் ஒரு ஆக்கபூர்வமான சந்திப்பை நடத்தியதாக இலங்கை கூறியிருந்தது என்பதும் குறிப்பிடத்தக்கது.