அரசியலமைப்பு திருத்தங்கள் ஆட்சியாளர் அதிகாரம் பெறவே மக்கள் நன்மைக்காக அல்ல என்று வடக்கு மாகாணசபை முன்னாள் உறுப்பினரும் தமிழ் ஈழ விடுதலை இயக்கத்தின் (ரெலோ) இளைஞர் அணித் தலைவருமான சபா குகதாஸ் தெரிவித்துள்ளார்.
தற்கால அரசியல் நிலைமைகள் குறித்து கருத்து வெளியிடுiகிலேயே இதனை அழவர் தெரிவித்துள்ளார்.
இலங்கையில் அரசியல் அமைப்புத் திருத்தம் என்பது மாறி மாறி வரும் ஆட்சியாளர்கள் தமக்கான அதிகாரங்களைப் பெற்றுக்கொள்ள மேற் கொள்ளப்படுகிறதே தவிர மக்களின் அல்லது நாட்டின் நலன்கள் கருதியவை அல்ல இதற்கு கடந்தகால திருத்தங்கள் சிறந்த உதாரணங்களாகும்.
1978 ஆண்டு கொண்டுவரப்பட்ட இரண்டாம் குடியரசு அரசியலமைப்பே தற்போது நடைமுறையில் உள்ளது இதன்ஆரம்பப் பிரசவமே சர்வாதிகாரத் தன்மை கொண்டதாக மக்களின் கருத்துக்களை உள்வாங்காது உருவாக்கப்பட்டது இந்த அரசியலமைப்பு 44 ஆண்டுகளில் 21 திருத்தத்தை கடந்து செல்கின்றது.
பௌத்த சிங்கள ஆட்சியாளர்கள் தாங்கள் ஏகபோக சுகபோகங்களை அனுபவிப்பதற்காகவும் ஊழல்ச் செயற்பாடுகளை மேற் கொள்வதற்காகவும் அவற்றில் இருந்து தம்மை பாதுகாப்பதற்காகவும் குடும்ப ஆட்சியை மேற் கொள்வதற்காகவும் அரசியலமைப்புத் திருத்தங்களை மாறி மாறி வந்த ஆட்சியில் அரங்கேற்றினார்கள் இதுதான் உண்மை நிதர்சனம்.
இதுவரை வந்த திருத்தங்களால் நாடு தொடர்ந்து பொருளாதார வீழ்ச்சியை மட்டுமல்ல நாட்டின் அத்தனை அபிவிருத்திக் குறிகாட்டிகளும் வீழ்ச்சியடைந்துள்ளன நாடு தொடர்ந்தும் அமைதியற்ற நவ காலணித்துவத்துள் விழுங்கப்பட்டு வருகின்றது.
19 திருத்தம் ஐனாதிபதிக்கும் பிரதமருக்கும் பாராளுமன்றத்திற்கும் அதிகாரங்களை பகிர்ந்தது ஆனால் ஐனாதிபதியும் பிரதமரும் வேறு வேறு கட்சி சார்ந்தவர்களாக இருந்தமையால் இருவரும் மாறி மாறி அதிகாரங்களை பயன்படுத்தி முரண்பட ஆட்சி சீரழிந்து ஏப்ரல் 21 குண்டு வெடித்ததுடன் பெரும் ஊழல்களும் அறுவடையாகியது.
20 திருத்தம் அபரி மிதமான அதிகாரங்களை ஐனாதிபதிக்கு கொடுத்தது பாராளுமன்றத்தை கபினட்ரை கணக்கில் எடுக்காது நடத்திய காட்டுத் தர்பார் இரண்டரை ஆண்டில் பெற்றல் இல்லாமல் டோக்கன் கொடுக்கும் கொடுமைக்கு நாடு வங்குறோத்தாகியது.
21 திருத்தமும் ஐனாதிபதியிடம் இருந்து அதிகாரங்களை பிரதமர் மற்றும் ஏனைய தரப்பும் பெற்றுக் கொள்வதற்கான ஒரு நாடகமே தவிர நாட்டு மக்களுக்கு ஏமாற்றமே கிடைக்கும். மீண்டும் நல்லாட்சியின் கயிறு இழுத்தல் போட்டிதான்.
ஆகவே அரசியலமைப்பு திருத்தங்களால் இலங்கை மக்களுக்கு விமோசனம் கிடைக்க வாய்ப்பு இல்லை மாறாக இந்த நாட்டில் உள்ள சகல இனங்களையும் மதிக்கின்ற சமஷ்டி அடிப்படையிலான பண்புகளைக் கொண்ட அதிகாரப் பகிர்வினைக் கொண்ட புதிய அரசியலமைப்பு மக்களின் கருத்துக்களை உள்ளடக்கி அமைக்கப்படும் போதே நாடு முன்னோக்கி பயணிக்கவும் நிரந்தர அமைதி ஏற்படவும் வாய்ப்பு உள்ளது.
