Category: செய்திகள்

முன்னாள் ஜனாதிபதி மகிந்த ராஜபக்‌சவுக்கு சொந்தமான தோட்டமொன்றில் சட்டவிரோதமான முறையில் இரண்டு வளர்ப்பு யானைகள் பராமரிக்கப்படுவதாக பல்வேறு தரப்புகளில் இருந்தும் தகவல்கள் கசிந்துள்ளன.

மகிந்த ராஜபக்‌சவின் தங்காலை, வீரகெடிய வீதியில் உள்ள தோட்டத்திலேயே இரண்டு யானைகள் இவ்வாறு பராமரிக்கப்படுவதாக தெரியவந்துள்ளது.

குறித்த இரண்டு யானைகளும் இலங்கையின் வளர்ப்பு யானைகள் பட்டியலில் உள்ளடக்கப்பட்டிருக்கவில்லை என்பதுடன், கடந்த சில வருடங்களுக்கு முன்னர் இது தொடர்பில் குற்றப்புலனாய்வுத் திணைக்களம் வழக்கொன்றையும் பதிவு செய்திருந்தது.

எனினும் குறித்த யானைகள் இரண்டும் சன்னஸ் பத்திரம் (அரசாங்க அன்பளிப்பு) மூலம் மகிந்த ராஜபக்‌சவுக்கு அன்பளிப்புச் செய்யப்பட்டுள்ளதாக தெரிவித்து, அந்த வழக்கு நீர்த்துப்போகச் செய்யப்பட்டது.

எனினும் குறித்த இரண்டு யானைகளும் சட்டவிரோதமாகவே மகிந்த ராஜபக்‌சவின் பராமரிப்பில் இருப்பதாக சமூக ஆர்வலர்கள் சுட்டிக்காட்டியுள்ளனர்.

நாங்கள் இலங்கை தமிழரசு கட்சியில் இருந்துதான் வந்தோம். அங்கே ஜனநாயகம் குழி தோண்டி புதைக்கப்பட்டு கொண்டு வருகின்றது என முன்னைநாள் நாடாளுமன்ற உறுப்பினர் ஈஸ்வரபாதம் சரவணன் தெரிவித்துள்ளார்.

இன்றையதினம் வேட்புமனு தாக்கல் செய்த பின்னர் ஊடகங்களுக்கு கருத்து தெரிவிக்கையில் அவர் இவ்வாறு தெரிவித்துள்ளார். அங்கு அவர் மேலும் தெரிவிக்கையில்,

ஒரு தனி நபரின் ஆதிக்கத்தினால் இலங்கை தமிழர் கட்சியில் இருந்து பலர் வெளியேறியுள்ளார்கள். இறுதியில் தலைவரும் பதவியை இராஜினாமா செய்துள்ளார். நீண்ட காலமாக செயல்பட்டு வந்த சட்டத்தரணி கே.வி.தவராசா அவர்களும் கட்சியில் இருந்து விலகி உள்ளார்.

யார் யார் கட்சியில் இருந்து விலகினார்கள் என பார்ப்போமேயானால், 2010 ஆம் ஆண்டிலிருந்து அடுக்கிக் கொண்டே செல்லலாம் எத்தனைபேர் விலகியுள்ளார்கள் என்று. எல்லோரும் தொடர்ச்சியாக யாழ். மண்ணில் இருந்தவர்கள். ஆனால் யாழில் இல்லாத ஒருவருடைய ஆதிக்கம் மேலோங்கி, அந்தக் கட்சியானது ஜனநாயக கட்சி என்று சொல்ல முடியாத நிலையில் செயற்படுகின்றது.

உண்மையில் வீட்டை விட்டு வெளியே வருவதற்கு எமக்கு விருப்பமில்லை. ஆனாலும் தவிர்க்க முடியாத சூழ்நிலையால் வெளியே வந்து எமது ஜனநாயக ரீதியிலான பலத்தை காட்ட வேண்டிய தேவை எமக்குள்ளது. மக்களை ஒன்றுசேர்க்க வேண்டியிருக்கிறது.

எல்லோரையும் உள்வாங்கி, எல்லோருக்கும் சமபங்கு கொடுத்து, நாங்கள் செயற்பட வேண்டிய ஒரு சூழ்நிலையில் இருக்கின்றோம். நாங்கள் தற்போது ஒரு சுயேட்சையாக தேர்தலில் களமிறங்கினாலும் அது நாளடைவில் ஒரு கட்சியாக பரிணமிக்கும்.

வருங்காலத்தில் இளைஞர்களை அனைத்து விதத்திலும் பயிற்றப்படுத்தி, மாகாண சபையோ அல்லது பிரதே சபையோ அனைத்திலும் இந்த இளைஞர்கள் ஒரே வழியில் நின்று இந்த கட்சியை வழிநடத்த வேண்டும். இதன்போது நிச்சயமாக வெற்றி கிடைக்கும். ஜனநாயகம் தழைக்க வேண்டும், சர்வதிகாரம் தோற்க வேண்டும் என அவர் மேலும் தெரிவித்தார்.

வடக்கில் உள்ள ஒன்றரை இலட்சம் மீனவர்கள் எதிர்கொள்ளும் பிரச்சினைகளுக்கு, அரசாங்கத்திற்கு அழுத்தம் கொடுப்பதன் மூலம் தீர்வினை பெற்றுக் கொடுபாபோம் என ஜனநாயக தமிழ் தேசிய கூட்டணியின் இணைப்பாளர் குருசாமி சுரேந்திரன் தெரிவித்தார்.

நேற்றையதினம் அராலியில் நடைபெற்ற மக்கள் சந்திப்பின் பின்னர் ஊடகங்களுக்கு கருத்து தெரிவிக்கையிலேயே அவர் இவ்வாறு தெரிவித்தார், அங்கு அவர் மேலும் தெரிவிக்கையில்,

தொடர்ந்தும் தமிழ் தேசியத்திலே பயணித்துக் கொண்டிருக்கின்ற மக்கள் தென் இலங்கை வேட்பாளருக்கு வாக்களிப்பதன் மூலம் தேசியத்தை உறுதி செய்ய முடியும் என்ற தவறான கருத்தை கடந்து மாதம் தமிழ் மக்களிடையே பரப்பி திரிந்தவர்களை மக்கள் நிராகரித்து, ஒட்டுமொத்தமாக தமிழ் தேசியத்தின் எழுச்சியை நீங்கள் முன்னெடுத்து செல்வதற்கு, சங்கு சின்னத்தில் களமிறங்கியுள்ள ஜனநாயக தமிழ் தேசியக் கூட்டணிக்கு வாக்களிப்பதன் மூலம் தமிழ் தேசத்தின் திரட்சியையும், இன விடுதலை வேட்கையையும், சமாந்தரமாக எங்களது அபிவிருத்தியையும் உறுதி செய்ய முடியும் என நாங்கள் இங்கே உறுதியாக கூறிக்கொள்ள விரும்புகின்றோம்.

அதுபோல வடக்கு மாகாணத்தில் பிரதான தொழிலாக கருதப்படுகின்ற, ஒன்றரை இலட்சத்துக்கும் மேற்பட்ட கடல் தொழிலாளர்கள் அனுபவிக்கின்ற பாரிய பிரச்சினைகளை நாங்கள் நிச்சயமாக தீர்த்து வைப்போம்.

குறிப்பாக 1996 ஆம் ஆண்டு கொண்டுவரப்பட்ட சட்டத்தின் அடிப்படையில் பதினாறு தொழில்கள் தடை செய்யப்பட்டிருக்கின்றன. அந்த தொழில்கள் இலஞ்சம், ஊழல், புறந்தள்ளல், தங்களுடைய சுய விருப்பு வெறுப்புகளுக்காக அந்தத் தொழில்களை அனுமதித்துக் கொண்டு, எமது மீனவர்களது வாழ்வாதாரத்தை நாசமாக்கி கொண்டிருக்கின்றதை தடை செய்வதற்கு வழி வகுப்போம்.

அதேபோல 2017 ஆம் ஆண்டு கொண்டுவரப்பட்ட, இந்தியாவிலிருந்தும், வெளிநாடுகளிலிருந்தும் வருகை தருகின்ற இழுவைமடி படகுகளை தடை செய்கின்ற சட்டத்தையும் இந்த அரசாங்கத்திற்கு அழுத்தம் கொடுத்து நடைமுறைப்படுத்தவும், எங்களுடைய மீனவர்கள் எதிர்கொள்கின்ற வாழ்வாதாரப் பிரச்சினைகளையும், நீண்ட கால பிரச்சனைகளையும் தீர்த்து வைப்பதற்காக நாங்கள் தொடர்ந்தும் பாடுபடுவோம், இது நமது தேர்தல் விஞ்ஞாபனத்தின் முக்கியமான ஒரு விடயமாக இருக்கும் என்பதை நாங்கள் உறுதி கூறுகின்றோம் என அவர் மேலும் தெரிவித்தார்.

தமிழீழ விடுதலைப்புலிகள் அமைப்பின் முதல் பெண் மாவீரர் 2ம் லெப்ரினன்ட் மாலதி நினைவு நிகழ்வு நடைபெற்றுள்ளது.

குறித்த நிகழ்வானது, கிளிநொச்சி தர்மபுரம் பகுதியில் தனியார் விடுதியில் நேற்று (10) மாலை இடம்பெற்றுள்ளது.

மாலதியின் திருவுருவப்படத்திற்கு மலர் மாலை அணிவித்து அஞ்சலி செலுத்தப்பட்டது. நினைவாக தர்மபுரம் பிரதேசத்தையைச்சேர்ந்த 150 மாணவர்களுக்கு கற்றல் உபரணங்களும் வழங்கப்பட்டது.

புதிய ஜனாதிபதி அநுரகுமார திசாநாயக்க பதவி ஏற்றுக்கொண்டதன் பின்னர் இதுவரையில் 347 பில்லியன் ரூபா கடன் பெற்றுக்கொள்ளப்பட்டுள்ளதாக தெரிவிக்கப்பட்டுள்ளது.

உள்நாட்டு சந்தையில் இவ்வாறு கடன் பெற்றுக்கொள்ளப்பட்டுள்ளதாக வடமேல் மாகாண பல்கலைக்கழகத்தின் நிதி மற்றும் முகாமைத்துவ பீடத்தின் பேராசிரியர் அமிந்த மெத்சில தெரிவித்துள்ளார்.

திறைசேரி உண்டியல்கள் மற்றும் பிணை முறிகளுக்கு கேள்வி நிலவி வருவதாகக் குறிப்பிட்டுள்ளார்.

இதற்கமைய சர்வதேச நாணய நிதியத்துடன் புதிய அரசாங்கமும் இணைந்து செயற்படும் என்ற நம்பிக்கை காரணமாக இவ்வாறு கிராக்கி நிலவுவதாக தெரிவித்துள்ளார்.

எவ்வாறெனினும் இந்த நாட்டின் பொருளாதாரம் வீழ்ச்சியடைந்தமைக்கு கூடுதல் கடன் பெறுகையே காரணம் என சுட்டிக்காட்டியுள்ளார்.

சர்வதேச நாணய நிதியத்தின் முதலாவது இணக்கப்பாடு கடன் ஸ்திரத்தன்மை என அவர் தெரிவித்துள்ளார்.

புதிய அரசாங்கம் பிணை முறிகள் மற்றும் திறைசேரி உண்டில்களை விற்பனை செய்து வருகின்றமை குறிப்பிடத்தக்கது.

எவ்வாறெனினும். ஜனாதிபதி அநுரகுமார பதவி ஏற்றுக்கொண்டதன் பின்னர் இலங்கையின் உள்நாட்டு சந்தையில் பெற்றுக்கொள்ளப்பட்ட மொத்தக் கடன் தொடர்பில் அதிகாரபூர்வ அறிவிப்புக்களை அரசாங்கம் வெளியிடவில்லை என்பது குறிப்பிடத்தக்கது.

இலங்கை தொடர்பான ஐக்கிய நாடுகள் மனித உரிமைகள் பேரவையின் தீர்மானம், சர்வதேச விசாரணையின் தேவையை வலியுறுத்துவதாக சர்வதேச மன்னிப்பு சபை தெரிவித்துள்ளது.

ஐக்கிய நாடுகளின் மனித உரிமைகள் பேரவையின் 57ஆவது அமர்வில் நிறைவேற்றப்பட்ட இலங்கை தொடர்பான தீர்மானம் தொடர்பிலேயே மன்னிப்பு சபை இதனை குறிப்பிட்டுள்ளது.

இந்த தீர்மானத்தின்படி, இலங்கையின் பொறுப்புக்கூறல் திட்டம் உட்பட மனித உரிமைகளுக்கான உயர்ஸ்தானிகர் அலுவலகத்தின் ஆணை ஒரு வருடத்திற்கு நீடிக்கப்பட்டுள்ளதாக சர்வதேச மன்னிப்புச் சபையின் தெற்காசியாவிற்கான பிரதிப் பிராந்தியப் பணிப்பாளர் பாபு ராம் பந்த் கூறியுள்ளார்.

அமெரிக்காவினால் இலங்கையிடம் கையளிக்கப்பட்ட கடல் கண்காணிப்பு விமானம்
அமெரிக்காவினால் இலங்கையிடம் கையளிக்கப்பட்ட கடல் கண்காணிப்பு விமானம்
மனித உரிமைகள் பேரவை
ஐக்கிய நாடுகளின் மனித உரிமைகள் பேரவையின் தீர்மானம் ஏற்றுக்கொள்ளப்பட்டமையானது, இலங்கையில் மனித உரிமை மீறல்கள் மீதான சர்வதேச விசாரணை அவசியத்தை அடிக்கோடிட்டுக் காட்டுகிறது என்றும் மன்னிப்புசபை தெரிவித்துள்ளது.

பொறுப்புக்கூறலை ஆதரிப்பதில் ஆணை நீடிக்கப்படுவது வரவேற்கத்தக்கது. எனினும், உள்ளூர் சிவில் சமூகம் மற்றும் சர்வதேச அமைப்புகளால் குறைந்தபட்சம் இரண்டு வருடங்கள் இந்த ஆணை புதுப்பிக்கப்பட வேண்டும் என்ற கோரிக்கைக்கு மாறாக, ஒரு வருடத்திற்கு மட்டுமே நீடிக்கப்பட்டது என்பது ஏமாற்றமளிப்பதாக மன்னிப்பு சபை குறிப்பிட்டுள்ளது.

இந்தநிலையில் இலங்கையின் புதிய அரசாங்கம் கடந்த காலத்திலிருந்து விலகி, ஐக்கிய நாடுகளின் மனித உரிமைகள் பேரவை மற்றும் மனித உரிமைகள் அலுவலகத்துடன் முழுமையாக ஈடுபடுவது மிகவும் முக்கியமானது என்றும் மன்னிப்புச்சபை தெரிவித்துள்ளது.

ஜெனீவாவின் 46-1 தீர்மானத்தின்படி, இலங்கை பொறுப்புக்கூறல் திட்ட அலுவலகத்தின் ஆணைமுதன்முதலில் 2021 இல் ஸ்தாபிக்கப்பட்டது.

இது எதிர்கால பொறுப்புக்கூறல் முயற்சிகளுக்காக மொத்த மனித உரிமை மீறல்கள் பற்றிய தகவல்களை சேகரிக்கவும், ஒருங்கிணைக்கவும், பகுப்பாய்வு செய்யவும் மற்றும் பாதுகாக்கவும் ஐக்கிய நாடுகளின் மனித உரிமைகள் அலுவலகத்தை கட்டாயப்படுத்தியது.

இந்தநிலையில் குறித்த ஆணை 2022 இல் 51-1 தீர்மானம் மூலம் நீடிக்கப்பட்டமை குறிப்பிடத்தக்கது.

தமிழரசுக்கட்சியினை பொறுத்தமட்டில் யாழ் மாவட்டத்தின் முக்கிய புள்ளிகள் பலர் சுயேட்சையாக நாடாளுமன்ற தேர்தலில் களமிறங்கியுள்ளமை வாக்குகள் சிதறடிக்கப்படும் நிலைமையை ஏற்படுத்தியுள்ளதாக தெரிவிக்கப்படுகின்றது.

இருப்பினும், யாழ் மாவட்டத்தில் களமிறங்கும் வேட்பாளர்களில் மக்களால் நன்கு அறியப்பட்ட சிறீதரன், சுமந்திரன் ஆகிய இருவரும் அதிக வாக்குகளை பெறக்கூடிய சாத்தியக்கூறுகள் உள்ளதாக கூறப்படுகின்றது.

இவ்வாறான சூழ்நிலையில் சிறீதரனை தவிர்ந்த ஏனைய 9 வேட்பாளர்களும் தங்களது விருப்பு வாக்குகளை சுமந்திரனுக்கு வழங்குமாறு தெரிவிக்கும் வாய்ப்பு உள்ளதாகவும், இதன்மூலம் சுமந்திரன் வெற்றி பெறுவதற்கான சந்தர்ப்பம் அதிகம் என்றும் தெரிவிக்கப்படுகின்றது.

சம்பந்தனின் மரண வீட்டிற்கு வந்த மக்களின் எண்ணிக்கையை வைத்து வாக்குகளை கணக்கிட முடியுமென்றும், இது தமிழரசுக்கட்சிக்கு ஆபத்தான செய்தி என்றும் கூறப்படுகின்றது.

சங்கு என்பது ஒரு சுயாதீனச்சின்னம். அதை நாம் [தமிழ்த்தேசியப் பொதுக்கட்டமைப்பு] முதலில் எமது தேவைக்காய் பெற்றிருந்தோம். அதன் தேவை முடிந்ததும் அந்தச்சின்னம் எம்மிடமிருந்து அகன்றுவிட்டது.

அது எங்கள் யாருக்கும் அப்போ உரிமையற்றது.

அதை தமிழ்த்தேசியத்தின் சின்னமாக்க எண்ணி அந்தச் சங்குசின்னம் எதற்காகத் தோன்றியதோ அந்த இலக்கினை அடையப் போராடிய கட்சிகளின் கூட்டணி DTNA.
அது அந்தச் சின்னத்தை வேறுயாரிடமோ, எமக்கு எதிரானவர்களின் கைகளுக்கோ போய்விடாமல் காப்பாற்றியிருக்கிறது என்று உங்களால் ஏன் சிந்திக்கமுடியவில்லை.

DTNA பொதுக்கட்டமைப்பை சீர்குவைத்திருக்கிறதா?.அதில்தானே இன்னும் இருக்கிறது. பொதுக்கட்டமைப்பு எதற்காக உருவாக்கப்பட்டதோ அந்த இலட்சியங்களை அடையும் முயற்சிக்காத்தானே
பாராளுமன்றம் செல்ல முயல்கிறது.

பொது வேட்பாளர் என்கிற சிந்நதனையே இம்முறை DTNA கூட்டணியில் இருந்துதான் சிவில் சமூகத்துக்கு கொண்டுவரப்பட்டு பலப்படுத்தப்பட்டது என்பதை மறுக்கமுடியுமா?
தவறானவர்கள் கையில் எமது சின்னமான சங்கு போய்விடக்கூடாது என்ற நல்லெண்ணமும், அதேநேரம்
எமது தேசியத்தை காப்பதற்கான முயற்சியில் மக்கள் மத்தியில் தமிழ்தேசிய சக்திகளால் அறிமுகப்படுத்தப்பட்டு இருந்ததாலுமே
குத்துவிளக்கு என்கிற கிடைத்தற்கரிய மங்களச்சின்னத்தை விட்டு சங்கினை தேசியத்தின் சொத்தாக்கியிருக்கிறது DTNA முடிந்தால் இதை புரிய முயலுங்கள்.

இந்த மண்ணின் விடுதலைக்காக இரத்தம் சிந்திப்போராடிய 5 பேரியக்கங்களின் கைகளில்தான் சங்கு இருக்கிறது என உரத்துச் சொல்லுங்கள்.
அதேநேரம் எமது மண்ணில் தமிழ்த்தேசியம் மறைக்கப்பட்டு இலங்கைத் தேசியத்துக்குள் எம்மினம் கரைந்து போகப்போகும் அபாயத்தைப்பற்றியும் பேசுங்கள்.

அநுரா நல்லவரா கெட்டவரா என்ற ஆய்வினை விட நாம் ஒரு தேசிய இனம் என்பதையும் அதற்காக எமது இனம் 75 வருடமாகப் போராடியது என்பதையும் அதனை முடிவுக்கு கொண்டுவர, எங்கள் உரிமையை நிலைநிறுத்த எமக்கு என்ன நம்பிக்கையை கொடுக்கிறார் என்பதையும் ஆய்ந்தறிய இளைஞர்களை வலியுறுத்துங்கள். அதற்குமுன் அவருக்குப் பின்னால் ஓடும் அவலநிலையை நிறுத்துமாறு அதிகம் பேசுங்கள்.

இருப்பவற்றுள் தமிழ்த்தேசியத்தின் மீட்சிக்காய் உறுதியோடு விடாப்பிடியாகப் போராடும் அணியான DTNA யை பலப்படுத்துங்கள்.
DTNA தமிழ்ப்பொதுக்கட்டமைப்பின் தளபதிகள் என்பதை நம்புங்கள்.
எமது தேசியச் சின்னமாக நாம் கண்டெடுத்த சங்கு பத்திரமாகவும் பவுத்திரமாகவும் உங்கள் தளபதிகளிடமே இருக்கிறது தோழர்களே!

நாம் தமிழர்
நமது மொழி தமிழ்
வடக்கு கிழக்கு எமது தாயகம்.
பனையும் கடலும் எமது தேசியப் பொருளாதாரம்
இதை அடைவதே எமது இறுதி இலக்கு.

தோல்வி பயம் ஒருவனுக்குப் பிடித்து விட்டால் அவன் என்னவென்னவெல்லாம் செய்வான் என்பதற்கு இன்று ‘சுமோ’ செய்த ஒரு காரியம் நல்ல உதாரணம்.

கடந்த பொதுத்தேர்தலில் சிறி வாத்தியின் புண்னியத்தில் அரும்பொட்டில் வென்றவர்தான் ‘சுமோ’.

செய்கிற அநியாயங்களையெல்லாம் செய்து முடித்துவிட்டு இம்முறையும் புண்னியம் தேடி ‘சுமோ’ கிளிநொச்சி போய் மூக்குடைபட்ட கதை கேட்டு சிரியாய்ச் சிரிக்கின்றது தமிழரசு வட்டாரம்.

கட்சி சம்பந்தப்பட்ட ஒரு பேச்சை முடித்துக்கொண்டு சிறி வாத்தி கிளிநொச்சி வந்து கொண்டிருந்திருக்கின்றார்.

அந்தப் பேச்சுவார்த்தை முழுவதும் சிறி வாத்தி கூடவே நின்ற சுமோ, வாகனத்தில் சிறிவாத்தி பயணித்துக் கொண்டிருந்த போது அவரை தொலைபேசியில் தொடர்புகொண்டு, ‘பத்திரத்தில் ஒரு சிறு திருத்தம் செய்யவேண்டும்… நான் கிளிநொச்சியில் வந்து உங்களைச் சந்திக்கலாமா” என்று கேட்டிருக்கின்றார்.

சிறி வாத்தியுடன் பேசியதும் பேசாததுமாக ஊடகங்களுக்கும் அறிவித்து ஊடகவியலாளர்களையும் கிளிநொச்சிக்கு அழைத்து விட்டார் சுமோ.

‘அரியும் சிவனும் ஒன்று.. அறியாதார் வாயில் மண்ணு’ என்பது போல ‘சுமோவும் சிறி வாத்தியும் ஒன்று’ என்று உலகிற்குக் காட்டும் கபட திட்டம்.

வாத்திக்கும் சுமோவின் விளையாட்டு விளங்கி, உடனே கிளிநொச்சியை விட்டு புறப்பட்டுவிட்டாராம்.

பம்மாத்துக் காண்பிக்கவந்த சுமோ, அங்கு சிறியார் இல்லாமல் தடுமாறி, வந்த கமெராக்காரர்களிடம் வழிந்து, நெளிந்து தோல்வியோடு திரும்பியிருக்கின்றார்.

இதில் கிளிநொச்சி தமிழரசுத் தம்பிகள் இன்னுமொரு சிறப்பான வேலைகளைச் செய்திருக்கின்றார்களாம்.

சுமோ கிளிநொச்சிக்கு வருவதற்கு முன்னதாகவே, கட்சி அலுவலகத்தில் இருந்த பதாதைகள், சின்னங்கள், சுவரொட்டிகள் எல்லாவற்றையும் அகற்றி விட்டார்களாம்.

வெறும் கட்டிடத்திற்கு முன்பாக நின்று போட்டோ மாத்திரம் எடுத்துவிட்டுத் திருமம்பியிருக்கின்றார் ‘சுமோ’.

தன் முயற்சியில் சற்றும் மனம்தளராத விக்கிரமாதித்தன் ‘சுமோ’ மற்றொரு தடவை கிளிநொச்சி வந்து முருங்கைமரம் ஏறுவார் என்று கூறி எதிர்பார்த்துக் காத்திருக்கின்றார்களாம் கிளிநொச்சி தமிழரசு இளைஞர்கள்.