கடனை மறுசீரமைக்காவிட்டால் வருடத்திற்கு 06 பில்லியன் டொலர் வெளிநாட்டுக் கடன் சுமையை பல வருடங்களாக சுமக்க நேரிடும் என மத்திய வங்கி ஆளுநர் கலாநிதி நந்தலால் வீரசிங்க தெரிவித்தார்.
ஜனாதிபதி அலுவலகத்தில் ஜனாதிபதி மற்றும் ஊடக நிறுவனங்களின் தலைவர்கள் முன்னிலையில் உரையாற்றும் போதே மத்திய வங்கியின் ஆளுநர் மேற்கண்டவாறு தெரிவித்தார்.
“கடன் செலுத்துவது கடினமாக இருப்பதால், கடனை செலுத்துவது தற்காலிகமாக நிறுத்தப்பட்டது மற்றும் கடனை மறுசீரமைக்க இந்த செயல்முறை பயன்படுத்தப்படுகிறது. செயல்பாட்டின் முதல் படி கடன் வழங்குபவர்களால் வழங்கப்படும் முதன்மை சான்றிதழ் ஆகும். நமது கடனை நிலையானதாக மாற்றுவதற்கான இலக்குகள் சர்வதேச நாணய நிதியத்தின் ஆவணத்தில் உள்ளன.
அந்த நிலையான நிலையை அடைய, ஒவ்வொரு நாடும் ஆதரவு தருவதாக உறுதி அளித்துள்ளன.
நாங்கள் மீண்டும் கடன் வாங்க மாட்டோம் அல்லது செலுத்த மாட்டோம் என்பதல்ல.
கடன் வாங்கும்போது, அதைத் திருப்பிச் செலுத்த வேண்டிய பொறுப்பு நமக்கு இருக்கிறது.
இல்லையெனில், யாரும் மீண்டும் கடன் கொடுக்க மாட்டார்கள். இங்கு நடப்பது எங்களால் கடனை அடைக்க முடியாததால், செலுத்துவதில் தவறிழைக்காமல், சலுகை முறையில் செலுத்த வாய்ப்பளிக்குமாறு கேட்டுக்கொள்கிறோம்“ என்றார்.