இலங்கையில் உள்ள சீன மக்களுக்கு சீனா வழங்கிய சினோபார்ம் கோவிட்-19 தடுப்பூசிக்கு ஒப்புதல் வழங்குவதற்காக நடத்தப்பட்ட கூட்டத்தின் சுருக்கத்தையும், அதன் தொழில்நுட்ப மதிப்பீட்டு அறிக்கையையும் டிசம்பர் 1ஆம் தி கதிக்கு முன் வெளியிடுமாறு தேசிய மருந்துகள் ஒழுங்குமுறை ஆணையத்திற்கு (என்எம்ஆர்ஏ) தகவல் அறியும் உரிமை ஆணையம் உத்தரவிட்டுள்ளது.
இலங்கையின் டிரான்ஸ்பரன்சி இன்டர்நேஷனல் (டிஐஎஸ்எல்) தாக்கல் செய்த மேல்முறையீட்டு மனு மீது இந்த உத்தரவு பிறப்பிக்கப்படுள்ளது.
ஆணைக்குழுவின் இந்த உத்தரவுக்கு இணங்கத் தவறினால், தகவல் அறியும் உரிமைச் சட்டத்தின் 39 ஆவது பிரிவின் கீழ் சம்பந்தப்பட்ட நீதவான் நீதிமன்றில் வழக்கு தொடரப்படும் என்றும் தகவல் அறியும் உரிமை ஆணையகம் எச்சரித்துள்ளது.
கடந்த ஆண்டு மார்ச் 26 ஆம் திகதி, இந்த கோரிக்கை முன்வைக்கப்பட்ட போது, தகவல் அதிகாரி கோரிக்கையை அந்த நிராகரித்தார்.
இந்த நிலையில் தகவல் அதிகாரியின் பதிலில் அதிருப்தி அடைந்த, இலங்கையின் டிரான்ஸ்பரன்சி இன்டர்நேஷனல் (டிஐஎஸ்எல்), கடந்த ஆண்டு ஏப்ரல் 29 அன்று நியமிக்கப்பட்ட அதிகாரியிடம் மேல்முறையீடு செய்தது, ஆனால் நியமிக்கப்பட்ட அதிகாரி சட்டத்தில் குறிப்பிடப்பட்டுள்ள காலத்திற்குள் பதிலளிக்கத் தவறிவிட்டார்.
இதனையடுத்து உலகளாவிய ஊழல் எதிர்ப்பு நிறுவனம் ஆணையத்திடம் எழுத்துப்பூர்வ இலங்கையின் டிரான்ஸ்பரன்சி இன்டர்நேஷனல், சமர்ப்பிப்புகளை தாக்கல் செய்தது.
இலங்கையில் உள்ள சீன மக்களுக்கு சீனா வழங்கிய சினோபார்ம் கோவிட்-19 தடுப்பூசி தொடர்பில், தனியார் நிறுவனம் ஒன்றுடன் வெளிப்படுத்தப்படாத உடன்படிக்கை இருப்பதாக சந்தேகம் தெரிவித்தே, இலங்கையின் டிரான்ஸ்பரன்சி இன்டர்நேஷனல், இந்த கோரிக்கையை முன்வைத்திருந்தது.