இலங்கையின் அதிகார முன்னுரிமை பட்டியலின் 20ஆவது இடத்தில் இருந்த இலங்கை மத்திய வங்கி ஆளுநரின் பதவி 5 ஆவது இடத்துக்கு தரமுயர்த்தப்பட்டுள்ளது..ஜனாதிபதி, பிரதமர், சபாநாயகர், பிரதம நீதியரசர் முதல் நான்கு இடங்களிலும் எதிர்க்கட்சித் தலைவர், அமைச்சரவை அமைச்சர்கள், பீல்ட் மார்ஷல் ஆகியோர் ஐந்தாம் இடத்திலும் பட்டியலிடப்பட்டிருந்த நிலையில், இலங்கை மத்திய வங்கி ஆளுநரும் அந்த ஐந்தாம் இடத்துக்கு தரமுயர்த்தப்பட்டுள்ளார்.மாகாண இயல்புடைய விழாக்கள் மற்றும் சந்தர்ப்பங்களில், மத்திய வங்கியின் ஆளுநரை அடுத்து மேல் நீதிமன்ற நீதிபதிகளுக்கு உடனடி முன்னுரிமை வழங்கப்பட வேண்டும் என்பதுடன், இந்த முன்னுரிமை பட்டியல் அரச விழாக்களின் போது பயன்படுத்தப்பட வேண்டும்.
இதேவேளை, மத மற்றும் திருச்சபை முக்கியஸ்தர்களுக்கு உரிய மரியாதை-முன்னுரிமை வழங்கப்படும்.
முன்னுரிமைப் பட்டியலில் இடம்பெறாத எந்தவொரு நபர்களுக்கும் அல்லது அதிகாரிகளுக்கும் மரியாதைக்குரிய முன்னுரிமையை வழங்க தனது விருப்புரிமையை ஜனாதிபதி பயன்படுத்தலாம் என்பது குறிப்பிடத்தக்கது.
