வெளிவிவகார அமைச்சர் அலி சப்ரி உத்தியோகபூர்வ விஜயமொன்றை மேற்கொண்டு செவ்வாய்கிழமை (நவ. 29) அமெரிக்கா செல்லவுள்ளார்.
அமெரிக்க இராஜாங்க செயலாளர் அன்டனி பிளிங்கன் விடுத்த அழைப்பின் பேரில் அமைச்சர் அலி சப்ரி இன்று முதல் டிசம்பர் 4 வரை அமெரிக்காவிற்கான இவ்விஜயத்தினை மேற்கொள்ளவுள்ளதாக வெளிநாட்டலுவல்கள் அமைச்சு தெரிவித்துள்ளது.
அமைச்சர் அலி சப்ரி தனது விஜயத்தின் போது இராஜாங்க செயலாளர் பிளிங்கன், காங்கிரஸ் உறுப்பினர்கள் மற்றும் அந்நாட்டு அரசாங்கத்தின் உயர் அதிகாரிகள் பலரை சந்திக்கவுள்ளதாகவும் தெரிவிக்கப்பட்டுள்ளது.