டொலருக்கு எதிராக இலங்கை ரூபாவின் பெறுமதி இந்த வருட இறுதிக்குள் மீண்டும் வீழ்ச்சியடைய ஆரம்பிக்கலாம், வருட இறுதிக்குள் டொலருக்கு நிகரான இலங்கை ரூபாயின் பெறுமதி 20 வீதத்தால் வீழ்ச்சியடையலாம் என ஃபிட்ச் மதிப்பீடுகளில் குறிப்பிடப்பட்டுள்ளது.
இந்த வருட இறுதிக்குள், டொலருக்கு நிகரான இலங்கை ரூபாவின் பெறுமதி 390 ஆக வீழ்ச்சியடையும் என Fitch Ratings கணித்துள்ளது.
சர்வதேச நாணய நிதியத்தின் செயற்குழுவின் அனுமதியை இலங்கைக்கு மிக விரைவில் பெற்றுக்கொள்ள முடியும் என நம்பிக்கையுடன் நம்புவதாக Fitch தரமதிப்பீட்டு நிறுவனம் தெரிவித்துள்ளது.
செயற்குழுவின் அங்கீகாரம் கிடைத்ததன் பின்னர், இலங்கையின் பலவீனமான பொருளாதார நிலை மற்றும் நடைபெறவுள்ள தேர்தல்கள் காரணமாக சர்வதேச நாணய நிதியத்தின் வேலைத்திட்டத்திற்கு இணங்குவது இலங்கைக்கு கடினமாக இருக்கலாம் என Fitch தரமதிப்பீட்டு நிறுவனம் சுட்டிக்காட்டியுள்ளது.