Tag: அமெரிக்கா

சர்வதேச நாணய நிதியத்துடன் இலங்கைக்கு ஒப்பந்தம் செய்து கொள்வதற்கு சீனா போதியளவு உதவி செய்யவில்லை என அமெரிக்காவின் அரசியல் விவகாரங்களுக்கான துணை இராஜாங்க செயலாளர் விக்டோரியா நுலாண்ட் தெரிவித்த கூற்றை சீனா மறுத்துள்ளது.

இந்த வார தொடக்கத்தில், இலங்கையில் இருந்த அமெரிக்க வெளியுறவுத்துறை துணைச் செயலாளர் விக்டோரியா நுலண்ட், இலங்கைக்கு 2.9 பில்லியன் அமெரிக்க டொலர் பிணை எடுப்புத் தொகையைத் திறக்க உதவுவதற்காக, மற்ற கடனாளிகளுடன் சேர்ந்து சர்வதேச நாணய நிதியத்திற்கு சீனா நம்பகமான மற்றும் குறிப்பிட்ட உத்தரவாதங்களை வழங்க வேண்டும் என்று அமெரிக்கா விரும்புகிறது என்றார்.

செயலாளர் நுலாண்ட் செய்தியாளர்களிடம் கூறுகையில், “சீனா இதுவரை வழங்கியது போதாது. கடன் நிவாரணத்தின் IMF தரநிலையை அவை பூர்த்தி செய்யும் என்று நம்பத்தகுந்த மற்றும் குறிப்பிட்ட உத்தரவாதங்களை நாம் பார்க்க வேண்டும்“ என்றார்.

இதற்கிடையில், கடந்த மாதம், சீனாவின் ஏற்றுமதி-இறக்குமதி வங்கி இலங்கைக்கு அதன் கடனை இரண்டு வருட கால அவகாசம் வழங்கியதுடன், IMF திட்டத்தைப் பாதுகாப்பதற்கான நாட்டின் முயற்சிகளுக்கு ஆதரவளிப்பதாகக் கூறியது.

செயலாளர் நுலாண்ட் மேலும் கூறினார், “நாங்கள் கூடிய விரைவில் IMF திட்டத்தைப் பார்க்க விரும்புகிறோம். அதுதான் இலங்கைக்குத் தகுதியானது, அதுதான் இலங்கைக்குத் தேவை”.

இந்த கூற்றுக்கு பதிலளிக்கும் விதமாக, சீனாவின் வெளியுறவு அமைச்சக செய்தித் தொடர்பாளர் மாவோ நிங், “அமெரிக்கா கூறியது உண்மையை பிரதிபலிக்கவில்லை” என்று கூறினார்.

வழக்கமான செய்தியாளர் மாநாட்டில் பேசிய மாவோ நிங், சீனாவின் ஏற்றுமதி-இறக்குமதி வங்கி, கடனை நிலைநிறுத்துவதற்கான ஆதரவை வெளிப்படுத்தும் கடிதத்தை இலங்கைக்கு ஏற்கனவே வழங்கியுள்ளதாகவும், அதற்கு இலங்கை சாதகமாக பதிலளித்து, சீனாவுக்கு நன்றி தெரிவிப்பதாகவும் கூறினார்.

“இலங்கையுடனான சீனாவின் நெருங்கிய ஒத்துழைப்பைக் கண்டு துள்ளிக் குதிப்பதை விட, அமெரிக்காவும் சில நேர்மையைக் காட்டலாம் மற்றும் தற்போதைய சிரமங்களில் இலங்கைக்கு உதவ ஏதாவது செய்யலாம்” என்று அவர் கூறினார்.

நட்புறவு கொண்ட அண்டை நாடு மற்றும் உண்மையான நண்பன் என்ற வகையில், சீனா இலங்கை எதிர்கொள்ளும் சிரமங்களையும் சவால்களையும் உன்னிப்பாக அவதானித்து, அதன் பொருளாதார மற்றும் சமூக அபிவிருத்திக்கான உதவிகளை எங்களால் முடிந்தளவுக்கு வழங்கி வருவதாக பேச்சாளர் மாவோ நிங் தெரிவித்தார்.

சீனத் தரப்பிற்கு இலங்கையின் கடனைப் பொறுத்தவரை, அரசாங்கம் சீன நிதி நிறுவனங்களை இலங்கையுடன் கலந்தாலோசித்து முறையான தீர்வைப் பெறுவதற்கு ஆதரவளிப்பதாக அவர் மேலும் கூறினார்.

சீனாவின் வெளிவிவகார அமைச்சின் பேச்சாளர் மாவோ நிங், தொடர்புடைய நாடுகள் மற்றும் சர்வதேச நிதி நிறுவனங்களுடன் இணைந்து செயற்படுவதற்கு சீனா தயாராக இருப்பதாகவும், இலங்கை நிலைமையை வழிநடத்துவதற்கும், அதன் கடன் சுமையை குறைப்பதற்கும், நிலையான அபிவிருத்தியை அடைய உதவுவதற்கும் சாதகமான பங்களிப்பை வழங்குவதற்கு சீனா தயாராக இருப்பதாக குறிப்பிட்டார்.

13ஆவது திருத்தத்தை இலங்கை முழுமையாக நடைமுறைப்படுத்த வேண்டும். அத்துடன், மாகாண சபைத் தேர்தலை உடனடியாக நடத்துவதும் முக்கியம் என்று இந்தியா நம்புகிறது என்று ஐ. நா. மனித உரிமைகள் பேரவையில் இந்திய பிரதிநிதி வலியுறுத்தியுள்ளார்

ஐக்கிய நாடுகள் மனித உரிமைகள் பேரவையின் 42ஆவது கூட்டத் தொடரில் முழுநிறை காலமுறை மீளாய்வு செயல்குழுவில் இலங்கை குறித்து நேற்று மீளாய்வு செய்யப்பட்டது. இதில், பங்கேற்ற இந்தியாவின் பிரதிநிதி உரையாற்றியபோதே மேற்கண்டவாறு வலியுறுத்தினார்.

இதன்போது, இலங்கையின் பொருளாதாரத்தை வலுப்படுத்த எடுக்கப்பட்ட கொள்கைகள் அவ்வாறே அமுல்படுத்தப்பட வேண்டும். வறுமையை ஒழிக்கவும் பாதிக்கப்படக்கூடிய சமூகக் குழுக்களின் மீதான தாக்கத்தை குறைக்க வும் முயற்சிகள் எடுக்கப்பட வேண்டும்.

இதில், இந்திய வம்சாவளி தமிழ் மக்களையும் உள்ளடக்க வேண்டும். அனைத்து பிரஜைகளின் மனித உரிமைகள் மற்றும் அடிப்படை உரிமைகளைப் பாதுகாக்க நடவடிக்கைகள் எடுக்கப்பட வேண்டும் என்றும் வலியுறுத்தினார்

இதேவேளை பயங்கரவாத தடைச் சட்டத்தை இரத்து செய்ய வேண்டும் என அமெரிக்க, பிரித்தானியா மற்றும் கனடா ஆகிய நாடுகள் வலியுறுத்தியுள்ளன.

அத்தோடு அரச சார்பற்ற நிறுவனங்களின் சுதந்திரத்தை பாதுகாக்க வேண்டும் என்றும் மனித உரிமைகளை மீறுபவர்கள் மீது வழக்கு தாக்கல் செய்யுமாறும் கனடா வலியுறுத்தியுள்ளது.

பலவந்தமாக காணாமல் ஆக்கப்பட்டவர்களுக்கு நீதியை நிலைநாட்டவும் பொலிஸார் சித்திரவதை நடவடிக்கைகளை கைவிட வேண்டும் என்றும் கொலம்பியா பரிந்துரைத்துள்ளது.

மேலும் அமைதியான போராட்டத்தின் மீதான தாக்குதல்கள் மற்றும் பிற நடவடிக்கைகள் குறித்து விரிவான விசாரணைகளை மேற்கொள்ளுமாறு டென்மார்க் பரிந்துரைத்துள்ளது.

ஜனாதிபதியின்‌ சர்வகட்சி கலந்துரையாடல்‌ மூலமாக தீர்வு முயற்சியை சரியாக பயன்படுத்திக்‌ கொள்ளுங்கள்‌. சிறுபான்மையின பிரதிநிதிகள்‌ ஒன்றாக கலந்துரையாடி இனப்பிரச்சினை விவகாரம்‌ உள்ளிட்ட விவகாரங்களில்‌ ஒரு பாதை வரைபடத்தை தயாரியுங்கள்‌. பின்னர்‌ ஒவ்வொரு விவகாரமாக முன்வைத்து, அவற்றை பெற்றுக்கொள்ளும்‌ முயற்சியில்‌ ஈடுபடுங்கள்‌. அவற்றை பெற்றுக்கொள்ள அமெரிக்காவும்‌ முழுமையாக ஓத்துழைப்பை வழங்கும்‌.

இவ்வாறு இலங்கைக்கு விஜயம்‌ மேற்கொண்டுள்ள அமெரிக்காவின்‌ அரசியல்‌ விவகாரங்களிற்கான துணை இராஜாங்க செயலாளர்‌ விக்டோரியா நுலாண்ட்‌, சிறுபான்மையின கட்சிகளின்‌ பிரதிநிதிகளிற்கு ஆலோசனை தெரிவித்துள்ளார்‌.

2024ஆம்‌ ஆண்டிற்குள்‌ ஜனாதிபதி தேர்தல்‌ நடக்குமென விக்டோரியா நுலாண்ட்‌ சூசகமாக தெரிவித்ததாக நம்பத்தகுந்த வட்டாரங்கள் தெரிவித்துள்ளன.

அத்துடன்‌, பொறுப்புக்கூறல்‌ விவகாரத்திற்கு இது தருணமல்ல என்றும்‌ தெரிவித்தார்‌.

கொழும்பில்‌ இன்று (1) இந்த கலந்துரையாடல்‌ நடந்தது.

தமிழ்‌ தேசிய கூட்டமைப்பின்‌ த.சித்தார்த்தன்‌, தமிழ்‌ முற்போக்கு முன்னணியின்‌ மனோ கணேசன்‌, இலங்கைத் தமிழ்‌ அரசு கட்சியின்‌ ஆபிரகாம் சுமந்திரன்‌, தமிழ்‌ தேசிய மக்கள்‌ முன்னணியின்‌ கஜேந்திரகுமார்‌ பொன்னம்பலம்‌, அதில இலங்கை முஸ்லிம்‌ காங்கிரசின்‌ ரவூப்‌ ஹக்கீம்‌, அதில இலங்கை மக்கள்‌ காங்கிரஜின்‌ ரிசாட்‌ பதியுதீன்‌ ஆதியோர்‌ இந்த சந்திப்பில்‌ கலந்து கொண்டனர்‌.

இந்த சந்திப்பின்‌ போது, ஜனாதிபதியின்‌ சர்வகட்சி கூட்டம்‌ பற்றி, விக்டோரியா நுலாண்ட்‌ கேட்டறிந்தார்‌.

தற்போது ஜனாதிபதிக்கு பின்னணி பலம்‌ இல்லையென்றும்‌, பொதுஜன பெரமுனவில்‌ தங்கியுள்ள ஜனாதிபதியினால்‌ இனப்பிரச்சினை தீர்வு அரசியலமைப்பு மாற்றம்‌, காணி விடுவிப்பு, 13வது திருத்தம்‌ நடைமுறைப்படுத்துவது போன்றவற்றை நிறைவேற்ற முடியாது என கட்சிகள்‌ தெரிவித்தன.

18வது திருத்தத்தை நடைமுறைப்படுத்தும்‌ விவகாரத்தை ஆதரித்தாலும்‌, 13வது இருத்தம்‌ தமது நிலைப்பாடல்ல, சமஷ்டி அடிப்படையிலான தீர்வே, தமது இலக்கென தமிழ்‌ தேசிய கட்சிகளின்‌ பிரதிநிதிகள்‌ சுட்டிக்காட்டினர்‌.

13வது திருத்தம்‌ மற்றும்‌ அரசியலமைப்பு திருத்தங்களை ஆதரிப்பதாக மனோ கணேசனும்‌ குறிப்பிட்டார்‌.

தற்போது ஜனாதிபதி அரசியல்‌ பலமில்லாதவரை போல தென்பட்டாலும்‌, படிப்படியாக பல விடயங்களை நிறைவேற்ற முடியுமென விக்டோரியா நுலாண்ட்‌ தெரிவித்தார்‌.

சிறுபான்மையின கட்சிகள்‌ ஒன்றாக கலந்துரையாடு, எந்ததெந்த விவகாரங்களை பெறுவது என்பது தொடர்பில்‌ வழி வரைபடமொன்றை தயாரித்து, ஒவ்வொரு விவகாரமாக எடுத்து, அவற்றை பெற்றுக்கொள்ள வேண்டுமென விக்டோரியா ஆலோசனை வழங்கினார்‌.

அவற்றை பெற்றுக்கொள்ள அமெரிக்காவும்‌ துணை நிற்கும்‌ என்றார்‌.

ரணில்‌ விக்கிரமசிங்க விரைவில்‌ ஜனாதிபதி தேர்தலை எதிர்கொள்வார்‌ என்பதையும்‌ விக்டோரியா நுலாண்ட்‌ சூசகமாக வெளிப்படுத்தினார்‌. அனேகமாக அது அடுத்த வருடமாக இருக்கலாமென்றும்‌, புதிய அரசியலமைப்பு விவகாரம்‌ நடைபெறும்‌ என்றும்‌, அது ஜனாதிபதி தேர்தலின்‌ முன்னரா அல்லது பின்னரா என்பது தனக்கு தெரியவில்லையென்றும்‌ குறிப்பிட்டார்‌.

சர்வதேச நாணய நிதியத்தின்‌ உதவி நிச்சயமாக இலங்கைக்கு கிடைக்கும்‌, விரைவில்‌ இடைக்கும்‌ என்றார்‌. சர்வதேச நாணய நிதியத்தின்‌ உதவியின்‌ மூலம்‌, இலங்கை தொடர்பான நம்பிக்கை உருவாகி, மேலும்‌ பல நாடுகள்‌ இலங்கைக்கு உதவி மற்றும்‌ முதலீடு செய்யும்‌ என்றார்‌. அமெரிக்காவும்‌ மேலும்‌ உதவும்‌ என நம்புகிறேன்‌ என்றார்‌.

இந்த சந்திப்பில்‌, தமிழ்‌ தேசிய மக்கள்‌ முன்னணியின்‌ தலைவர்‌ கஜேந்திரகுமார்‌ பொன்னம்பலம்‌, பொறுப்புக்கூறல்‌ பொறிமுறையை கைவிட முடியாதென்றும்‌, அமெரிக்கா அதற்கு அழுத்தம்‌ கொடுக்க வேண்டுமென்றும்‌ தெரிவித்தார்‌.

“தற்போதைய சூழலில்‌ பொறுப்புக்கூறலை கையிலெடுப்பது, தமிழர்‌ பிரச்சனையை தீர்க்க ஒரு உபாயமாகவும்‌ அமையும்‌. பொறுப்புக்கூறல்‌ விவகாரம்‌ மஹிந்த ராஜபக்ச கரப்பிற்கு அழுத்தமாக அமையும்‌. அவர்கள்‌ அதிலிருந்து தப்பிக்க, ரணில்‌ விக்கிரமசிங்கவின்‌ இர்வு முயற்சிக்கு ஆதரித்து, மற்றைய சிக்கல்களை நீர்க்க முயற்சிப்பார்கள்‌” என கஜேந்திரகுமார்‌ குறிப்பிட்டார்‌.

எனினும்‌, விக்டோரியா நுலாண்ட்‌ இந்த கோரிக்கையை நாகூக்காக தவிர்த்து விட்டார்‌. பொறுப்புக்கூறலை வலியுறுத்துவது தேவையான, நல்ல விடயம்‌. ஆனால்‌ பொறுப்புக்கூறலை வலியுறுத்த இது உகந்த தருணமல்ல. இப்போது பொறுப்புக்கூறலை வலியுறுத்த ஆரம்பித்தால்‌ ஏனைய விடயங்கள்‌ சிக்கலாகி விடலாம்‌. அதனால்‌ பொறுப்புக்கூறல்‌ விவகாரத்தை பின்னர்‌ பார்த்துக்‌ கொள்ளலாம்‌ என்ற சாரப்பட குறிப்பிட்டார்‌.

ரணில்‌ விக்கிரமசிங்கவின்‌ அரசை நம்புங்கள்‌, அதை ஆதரியுங்கள்‌ என்பதே அமெரிக்க விக்டோரியா நுலாண்டின்‌ இன்றைய சந்திப்பின்‌ மறைமுக செய்தியென, சந்திப்பில்‌ கலந்து கொண்ட வட்டாரங்கள்‌ தெரிவித்துள்ளன.