Category: பிரதான செய்திகள்

கழுத்து  மற்றும் முகம்  அழுத்தப்பட்டதன்  காரணமாகவே தொழிலதிபர் தினேஷ் ஷாப்டர் உயிரிழக்க நேர்ந்ததாக நீதிமன்றம் தீர்ப்பளித்துள்ளது. கொழும்பு நீதிவான் நீதிமன்றமே  இன்று (01)  இந்த தீர்ப்பை வழங்கியுள்ளது.

இதன்  மூலம் குற்றச் செயல் இடம்பெற்றுள்ளதாகத் தீர்ப்பளித்த மேலதிக  நீதிவான்,  இந்தச் சம்பவத்துடன் தொடர்புடைய சந்தேக நபர்களைக் கைது செய்து நீதிமன்றத்தில் ஆஜர்படுத்துமாறு குற்றப் புலனாய்வுத் திணைக்களப் பணிப்பாளருக்கு உத்தரவிட்டார்.

மரண விசாரணையின் போது சமர்ப்பிக்கப்பட்ட அறிக்கைகள் மற்றும் நீதிமன்றத்தினால் நியமிக்கப்பட்ட ஐவரடங்கிய நிபுணர் குழுவின் அறிக்கைகள் என்பனவற்றை பரிசீலித்த கொழும்பு மேலதிக நீதிவான் திருமதி ரஜீந்திர ஜயசூரிய இந்தத் தீர்ப்பை அறிவித்தார்.

தமிழ் மக்களின் இனப்பிரச்சினைக்கு அரசியல் தீர்வை எட்டும் முயற்சியை இழுத்தடிக்கும் இலங்கை அரசு மீது சர்வதேச சமூகத்தின் கடும் அழுத்தம் பிரயோகிக்கப்பட வேண்டும் என நாடாளுமன்ற உறுப்பினர் இரா.சம்பந்தன் தெரிவித்துள்ளார்.

இலங்கை வந்துள்ள ஐரோப்பிய நாடாளுமன்றத் தூதுக்குழுவினர், நாடாளுமன்ற உறுப்பினர் இரா.சம்பந்தனை இன்று நேரில் சந்தித்து கலந்துரையாடியுள்ளனர்.

கொழும்பிலுள்ள சம்பந்தனின் இல்லத்தில் இந்தச் சந்திப்பு நடைபெற்றது.

குறித்த சந்திப்பின்போதே இரா.சம்பந்தன் ஐரோப்பிய நாடாளுமன்றத் தூதுக்குழுவினருக்கு இதனை வலியுறுத்தினார்.

அதேவேளை, வடக்கு – கிழக்கில் பௌத்த பிக்குகள், தமிழ் மக்களுக்கும், அவர்களின் பிரதிநிதிகளுக்கும் தொடர்ந்து அச்சுறுத்தல்களை விடுத்து வருகின்றனர்.

அவர்கள் இனவாதத்தைக் கக்கி மதவாதத்தைத் தூண்டி வருகின்றனர். தமிழர் தாயகத்தில் என்றுமில்லாதவாறு பௌத்த மயமாக்கல் தற்போது தீவிரமடைந்துள்ளது.

இது தொடர்பில் ஜனாதிபதி ரணில் விக்கிரமசிங்க தலைமையிலான அரச தரப்பினரிடம் நாம் முறையிட்டும் எவ்வித நடவடிக்கைகளும் எடுக்கப்படவில்லை.”

“அரசியல் தீர்வை எட்டும் முயற்சி அரசால் இழுத்தடிக்கப்படுகின்றது. பயங்கரவாதத் தடுப்புச் சட்டம் இன்னமும் நீக்கப்படவில்லை. இந்த விடயங்களில் இலங்கை அரசு மீது சர்வதேச சமூகத்தின் கடும் அழுத்தம் பிரயோகிக்கப்பட வேண்டும் எனவும் இரா.சம்பந்தன் வலியுறுத்தியதாக தெரிவிக்கப்படுகிறது.

யாழ்ப்பாணப் பல்கலைக்கழக மாணவர்களின் கடும் எதிர்ப்பையடுத்து சர்சைக்குரிய சட்டத்தரணி சுவஸ்திகாவின் கருத்தரங்கு நிறுத்தப்பட்டது.

அண்மையில் நிகழ்வு ஒன்றில் பங்குபற்றிய சட்டத்தரணி சுவஸ்திகா அருள்லிங்கம் தமிழீழ விடுதலைப் புலிகள் அமைப்பு பாசிச அமைப்பு என தெரிவித்திருந்தார்.

இதையடுத்து  இன்றைய தினம் யாழ்ப்பாணப் பல்கலைக்கழக சட்டத்துறையினரின் ஏற்பாட்டில் சட்டத்தரணி சுவஸ்திகா அருள்லிங்கம் வளவாளராக பங்குபற்றும் கருத்தரங்கு ஒன்று ஏற்பாடுசெய்யப்பட்டது.

இந் நிலையில் யாழ்ப்பாணப் பல்கலைக்கழக மாணவர்களின் கடுமையான எதிர்ப்பினையடுத்து குறித்த கருத்தரங்கு நிறுத்தப்பட்டது.

இவரது கருத்திற்கு பல்வேறு தரப்புகளும் கடும் எதிர்ப்பினை வெளியிட்டிருந்தமை குறிப்பிடத்தக்கது.

இப்பொழுது இலங்கை அரசாங்கம் சீனாவுக்கு ஒரு முகத்தையும் இந்தியாவுக்கு ஒரு முகத்தையும் காட்டி சில காரியங்களை சாதித்து வருவதாக ஈ.பி.ஆர்.எல்.எப். அமைப்பின் தலைவரும் முன்னாள் நாடாளுமன்ற உறுப்பினருமான சுரேஷ் பிரேமச்சந்திரன் தெரிவித்துள்ளார்.

இன்று இடம்பெற்ற யாழில் இடம்பெற்ற ஓடாக சந்திப்பின் போதே அவர் இதனை தெரிவித்துள்ளார்.

குறித்த விடயம் தொடர்பில் அவர் மேலும் தெரிவிக்கையில்,

சீனா  தொடர்பாக இலங்கையில் கடந்த இரண்டு மூன்று வருடங்களாக பல்வேறு பட்ட சிக்கல்கள் கருத்துக்கள் கூறப்பட்டு வந்துகொண்டிருக்கிறது. இந்தியா தன்னுடைய பாதுகாப்பு நலன்களிலிருந்து சீனா இலங்கையில் நிலை கொள்வது என்பது தங்களுக்கு ஒரு பாதுகாப்பு குந்தகம் என்பதாக  கூறி  வருகின்றது.  இலங்கையை  தனது கைவசம் வைத்திருப்பதற்காகவும்  இலங்கையின் பொருளாதார ரீதியில் பாதிக்கப்பட்ட பொழுது பல பில்லியன் டொலர்களை இந்தியா இலங்கைக்கு உதவிக்கரமாக வழங்கி வந்திருக்கின்றது. அது மாத்திரமல்லாமல் இலங்கையில் எப்பொழுது ஒரு அனர்த்தம் பாரிய இழப்புக்கள், பாரிய இயற்கை அனர்த்தங்கள் ஏற்பட்ட பொழுதும் உடனடியாக இந்தியா முன்வந்து பல விஷயங்களை செய்திருக்கின்றது.

இப்பொழுது இலங்கை அரசாங்கம் சீனாவுக்கு ஒரு முகத்தையும் இந்தியாவுக்கு ஒரு முகத்தையும் காட்டி சில காரியங்களை சாதிக்கின்றது. முக்கியமாக சீனாவினுடைய யுத்தக்கப்பல்கள் அல்லது ஆய்வுக்கப்பல்கள் என்ரா அடிப்படையில் கப்பல்கள்  இங்கு வருவதும் இல்ங்கை கடல் பரப்புக்குள் அவர்களை ஆய்வுகளை மேற்கொள்வது என்பதுவும் அந்த ஆய்வுகள் என்பது வெறுமனே என்ன காரணத்துக்காக இலங்கையினுடைய கடல் பரப்புக்குள் சீனா ஆய்வுகளை செய்ய வேண்டும் என்ற கேள்வி ஆகவே இவை எல்லாவற்றையம் பார்க்கின்ற பொழுது சீனா ஒரு பொருளாதார நலன்களின் அடிப்படையில் செய்வதாக எங்களுக்கு தெரியவில்லை.

மாறாக சீனாவை பொறுத்தவரையில் அமெரிக்காவுக்கு மாற்றீடாக  உலகத்தினுடைய ஒரு பொலிஸ்காரனாக  வரவேண்டும் என்பதில் அது குறியாக இருக்கின்றது. அந்த வகையில் தான்  அம்பாந்தோட்டை துறைமுகத்தியும் 99 வருட குத்தகைக்கு  அது எடுத்திருக்கிறது.

இப்பொழுது ஏற்கனவே அமெரிக்காவில் இருக்கின்ற ஒரு பல்கலைக்கழகம் அடுத்ததாக இலங்கையில் தான் சீனா தனது கடல் படையை உருவாக்க இருக்கின்றது என்ற ஒரு கருத்தையும் கூறி இருக்கின்றது. இப்பொழுது பெண்டகன் கூட சொல்கிறது அடுத்த இராணுவ தளமாகவோ, கடல் படை தளமாகவோ அம்பாதோட்டை மாற்றப்படுவதற்கான முழு வாய்ப்புக்கள்  இருக்கிறது என்பதுவும் கூறப்பட்டிருக்கிறது.

இவ்வாறான சூழ்நிலையில் அண்மையில் இலங்கையின் ஜனாதிபதி சீனாவுக்கு போய் வந்ததை தொடர்ந்து சீனாவினுடைய ஆய்வுக்கப்பல் இலங்கைக்கு வந்திருக்கின்றது. இலங்கையின் கடல் எல்லைக்குள் ஆய்வுகளை மேற்கொள்வதற்கு  அனுமதியம் கொடுக்கப்பட்டிருக்கிறது. ஆகவே இவை எல்லாம் இலங்கையில் ஒரு அரசியல் சூறாவளியை உருவாக்கக்கூடிய காரணிகளாக இவை அமைந்து வருகின்றது.

தொடர்ச்சியாக பல்வேறு பட்ட தரப்பட்ட தரப்புகளிலிருந்தும் இவை கூறப்பட்டு முன்வக்கப்பட்டு வந்த பொழுதும் கூட இலங்கை அரசாங்கம் தனது வளங்களை பெருக்கிக்கொள்வதற்கு பதிலாக இந்து சமுத்திர பிராந்தியத்தில் ஒரு மூலோபாய புள்ளியில் இலங்கை தேவை என்பதி அமைந்திருப்பதை காரணமாக கொண்டு அது இந்தியாவிடமும் சீனாவிடமும்  தேவையான உதவிகளை பெற்றுக்கொள்ள முயல்கிறதே தவிர ஆனால் இரு தரப்பையும் அது ஏமாற்றி தான் வருகின்றது.

அந்த ஏமாற்றமென்பது இலங்கை தனது இராஜத ந்தந்திரமாக கருதுவது எனக்கு தெரியவில்லை. ஆனால் நிச்சயமாக ஒருதரப்பில் இந்திய அரசாங்கம் ஏமாற்றப்படுகிறது மறுதரப்பில் சீனா அரசாங்கம் என்பது ஏமாறப்படுகிறது.

இவை மாத்திரமல்லாமல் சீனாவுக்கு மிகப்பெருமளவில் இலங்கையில் தனது நடவடிக்கைக்கு இடம் கொடுத்து வருவதென்பதுவும் ஒரு ஏற்புடைய விஷயமாக இல்லை. இலங்கை  என்பது ஒரு கடலால் சூழப்பட்ட ஒரு நாடு. இலங்கை  மீனை ஏற்றுமதி செய்ய வேண்டிய ஒரு நாடு. அவ்வாறான  ஒரு சூழ்நிலை இருக்கையில் அண்மையில் சீனாவிலிருந்து இலங்கைக்கு மீன் இறக்குமதி செய்யப்பட்டிருக்கின்றது. 140 கோடி மக்களைக்கொண்ட சீனா தனக்கு தேவையான மீன்வளத்தை பிடிப்பது மாத்திரமல்லாமல் மீனை ஏற்றுமதி செய்கிற ஒரு நிலையில் இருக்கிறது.

ஆனால் 2அரைகோடி  சனம் இல்லாத இலங்கையில் சுற்றி வர கடலை வைத்துக்கொண்டு 100 கிலோமீற்றர் கடல் அளவுக்கான எல்லைகளை வைத்துக்கொண்டு இலங்கை வந்து சீனாவிலிருந்து மீனை இறக்குமதி செய்வது ஒரு கேலிக்குரிய நகைப்புக்குரிய ஒரு விடயமாக இருக்கிறது. ஆகவே இந்த இறக்குமதி என்பது இலங்கையில் இருக்கிற மீனவர்களை எவ்வளவு தூரம் பாதிக்கப் போகிறது என்பதுவும் மிக மிக முக்கியமான விடயம். அது வடக்கு கிழக்கு மாத்திரமல்ல ஒட்டு மொத இலங்கையிலும் மீன்பிடி என்பது பாதிக்கப்படும். அமைச்சர் சொல்லலாம் இலங்கையில்  பிடிபடாத மீன்களை அங்கிருந்து இறக்குமதி செய்கிறோம் என்று.

எங்களுக்கு இந்த நாட்டில் பல்வேறுபட்ட வகையான நூற்றுக்கணக்கான மீன்கள் இங்கே சுற்றி வருகின்ற கடலில்  இருக்கின்றது. ஆகவே அந்த மீன்கள் இலங்கை மக்களுக்கு தாராளமாக போதுமானது. அவை ஏற்றுமதி செய்வதற்கு மேலதிகமாகவே இருக்கின்றது. ஆகவே இவற்றை எவ்வாறு செய்வது என்பதை விடுத்து   மீனை இறக்குமதி செய்வதில் அமைச்சர் அதற்கான முக்கியத்துவத்தை கொடுப்பதும் என்னும் சொல்ல போனால் எந்த விதமான வரையறைகள், எந்த விதமான வரிகள் இவை எல்லாம் கூட வெளிப்படையாக யாருக்கும் தெரியாது. எவ்வளவு தூரம் இதற்கான வரி விதிக்கப்படுகிறது? சந்தையில் மீன் என்ன விலை விற்கப்படப்போக்கிறது?  போன்ற எந்த விஷயங்களும் தெரியாது. ஆகவே வெளிப்படைத்தன்மை அற்று மிக இரகசியமான முறையில் இந்த மீனை இறக்குமதி செய்வது போகின்ற நிலைமைகள் தான் தோற்று விக்கப்பட்டிருக்கிறது.

ஆகவே இதனால்  இலாபமடையப்போகிறது வெறுமனே அமைச்சராகத்தான் இருக்கப்போவது தவிர இங்கிருக்கூடிய  மீனவர்கள் அல்ல. குறிப்பாக சொல்வதென்றால் வட கிழக்கு மீனவர்கள் மிக மிக மோசமாக பாதிக்கப்பட்டிருக்கிறார்கள். இந்த நிலையில் ஏற்கனவே கட்லட்டை பண்ணை என்ற வகையிலும் மீனவர்கள் பாதிக்கப்பட்டிருக்கிறார்கள். இந்த சூழ்நிலையில் சீனாவிலிருந்து இறக்குமதி செய்வது என்பது  மீனவர்களுக்கு இன்னும் பாரிய அழிவுகளை உருவாக்கும்.ஆகவே அரசாங்கமும் சரி அமைச்சரும் சரி இவற்றை ஒரு மீள் பரிசீலனைக்கு உட்படுத்த வேண்டும் என அவர் தெரிவித்துள்ளார்.

கொக்குதொடுவாய் மனித புதைகுழி அகழ்வுப் பணி மீண்டும் நவம்பர் 20 ஆம் திகதி ஆரம்பிக்கப்படும் என சட்டத்தரணி வி.கே.நிறஞ்சன் தெரிவித்தார்.

மனித புதைகுழி தொடர்பான வழக்கு 30 ஆம் திகதி திங்கட்கிழமை முல்லைத்தீவு மாவட்ட நீதிமன்றத்தில் தர்மலிங்கம் பிரதீபன் முன்னிலையில் எடுத்து கொள்ளப்பட்டிருந்தது. அதன் பின்னர் ஊடகங்களுக்கு கருத்து தெரிவிக்கையிலேயே இவ்வாறு சட்டத்தரணி இவ்வாறு தெரிவித்தார்.

தொடர்ந்து கருத்து தெரிவித்த அவர்,

திங்கட்கிழமை (30) அகழ்வு பணி ஆரம்பிக்கப்பட இருந்த நிலையில் ராஜ் சோமதேவ சமுகமளிக்க முடியாததனால் கொக்குதொடுவாய் அகழ்வு பணியானது மீளவும் நவம்பர் மாதம் 20 ஆம் திகதி ஆரம்பிக்கப்பட இருப்பதாக தீர்மானிக்கப்பட்டுள்ளது.

அதேநேரம் மிகுதியாக உள்ள செலவுத்தொகை பணம் எவ்வளவு என்பது தொடர்பாக கதைக்கப்பட்டு அதற்கான கணக்கறிக்கையை நீதிமன்றில் சமர்ப்பிக்குமாறு கேட்டுக்கொள்ளப்பட்டது.

சட்டவைத்திய அதிகாரி வாசுதேவ அவர்களினால் ஏற்கனவே அகழ்ந்து எடுக்கப்பட்ட மனித எச்சங்கள் தவிர்ந்த பிற பொருட்கள் பேராசிரியர் ராஜ் சோமதேவவுக்கு இடைக்கால அறிக்கை சமர்ப்பிப்பதற்கு தேவை என்ற அடிப்படையில் முழுவதும் விண்ணப்பம் ஒன்று செய்யப்பட்டிருந்தது.

காணாமல் போனவர்கள் சார்பில் நாங்கள் தோன்றி அதன் கட்டுகாவல் பாதுகாக்கப்பட வேண்டும் என்றும் நீதிமன்றத்தின் கவனத்திற்கு கொண்டு வந்திருந்தோம்.

ராஜ்சோமதேவ அவர்களினால் குறித்த மனித புதைகுழி பகுதியில் 50 மீற்றருக்குள் வேறு மனித எச்சங்கள் இருப்பது சம்மந்தமாக கண்டுபிடிக்க கூடிய ராடர் கருவி ஒன்றினை கொண்டு வருவதற்கான முயற்சிக்கு விண்ணப்பம் செய்யப்பட்டிருந்தது.

அது தொடர்பான முழுமையான விபரங்களை நீதிமன்றிற்கு சமர்ப்பிக்கும்படி நீதிமன்றத்தினால் கேட்டுக்கொள்ளப்பட்டது.

இந்த விண்ணப்பங்கள் ஏற்றுக் கொள்ளப்பட்டு எதிர்வரும் நவம்பர் மாதம் 20 ஆம் திகதி மீண்டும் அதற்கான ஒன்றுகூடல் கொக்குதொடுவாய் மனித புதைகுழி அகழ்வு இடத்தில் மேற்கொள்ளப்பட்டு அகழ்வுபணி இடம்பெறவுள்ளது.

30 ஆம் திகதி திங்கட்கிழமை இடம்பெற்ற வழக்கின் போது சட்ட வைத்திய அதிகாரி வாசுதேவ மற்றும் முல்லைத்தீவு மாவட்ட செயலகத்தில் இருந்து கணக்காளர் அவர்களும் பிரசன்னமாகி இருந்ததாக மேலும் தெரிவித்தார்.

2024 ஆம் நிதியாண்டுக்கான வரவு – செலவுத் திட்டத்தில் அரச ஊழியர்கள் அனைவருக்கும் சம்பள உயர்வு வழங்கப்படும் என்று ஜனாதிபதி ரணில் விக்கிரமசிங்க தெரிவித்தார்.

ஜனாதிபதி செயலகத்தில் இன்று (30) மாலை நடைபெற்ற அமைச்சரவைக் கூட்டத்தின்போதே ஜனாதிபதி இவ்வாறு கூறினார்.

அத்துடன், தனியார் துறை ஊழியர்களுக்கும் சம்பள உயர்வு வழங்குமாறு கோரிக்கை விடுக்கப்படவுள்ளது என்றும் ஜனாதிபதி குறிப்பிட்டார்.

வரவு – செலவுத் திட்டத்தில் 20 ஆயிரம் ரூபா சம்பள உயர்வு கோரி அரச ஊழியர்கள் நேற்று நாடளாவிய ரீதியில் ஆர்ப்பாட்டம் செய்த நிலையில் ஜனாதிபதியின் இந்த அறிவிப்பு வெளியாகியுள்ளது.